هه‌ر كه‌سێ نڤێژا ئێڤاری بهێلیت و نه‌كه‌ت؛ ئه‌ڤه‌ كارێ وی پویچ بوو))

هه‌بوونا گه‌فێن دژوار بۆ وی كه‌سێ نڤێژا ئێڤاری دهێلیت و نه‌كه‌ت، و گیرۆكرنا وێ ژ ده‌مێ وێ مه‌زنتره‌ ژ گیرۆكرنا نڤێژێن دی ژ ده‌مێن وان، چونكی ئه‌و نڤێژا نیڤه‌كێیه‌ (الصلاة الوسطى) ئه‌وا خودایێ مه‌زن تایبه‌ت فه‌رمان ب پاراستنا ل سه‌ر وێ كری، ئه‌ڤه‌ ژی ده‌مێ گۆتی: ((حَافِظُواْ عَلَى الصَّلَوَاتِ والصَّلاَةِ الْوُسْطَى)) [البقرة: 238]، ئانكو: ((گه‌لى موسلمانان هوين كرنا هه‌ر پێنج نڤێژێن فه‌ر بپارێزن كو به‌رده‌وام وان ل ده‌مێن وان بكه‌ن ب هه‌مى مه‌رج و ستوين و واجبێن وانڤه‌، و هوين نڤێژا ناڤێ ژى بپارێزن كو نڤێژا ئێڤارییه‌)).