وان بهێله، چونكی من هه‌ردوو پێیێن خۆ ب پاقژی (ب ده‌ستنڤێژ) كرینه د ناڤ واندا
موغییره (خودێ ژێ ڕازی بیت) دبێژیت:
د گه‌شته‌كێدا ئه‌ز د گه‌ل پێغه‌مبه‌ری (صه‌لات و سه‌لامێن خودێ ل سه‌ر بن) بووم، ڤێجا من خۆ نزم كر دا خۆفكێن وی ژ پێیێن وی بكه‌م، ئینا گۆت: ((وان بهێله، چونكی من هه‌ردوو پێیێن خۆ ب پاقژی (ب ده‌ستنڤێژ) كرینه د ناڤ واندا))، پاشی مه‌سح ل سه‌ر وان كر.
كُنْتُ مَعَ النَّبِيِّ صَلَّى اللهُ عَلَيْهِ وَسَلَّمَ فِي سَفَرٍ، فَأَهْوَيْتُ لِأَنْزِعَ خُفَّيْهِ، فَقَالَ: «دَعْهُمَا، فَإِنِّي أَدْخَلْتُهُمَا طَاهِرَتَيْنِ» فَمَسَحَ عَلَيْهِمَا.
پێغه‌مبه‌ر (صه‌لات و سه‌لامێن خودێ ل سه‌ر بن) د ئێك ژ گه‌شتێن خۆدا بوو و ده‌ستنڤێژ گرت، ڤێجا ده‌مێ گه‌هشتییه شویشتنا پێیان؛ موغیرەیێ كوڕێ شوعبه‌ی (خودێ ژێ ڕازی بیت) ده‌ستێن خۆ درێژ كرن دا كو وان خۆفكێن ل پێیێن پێغه‌مبه‌ری (صه‌لات و سه‌لامێن خودێ ل سه‌ر بن) هه‌ین ژ پێیێن وی بكه‌ت و داكو پێیێن خۆ بشۆت! ئینا پێغه‌مبه‌ری (صه‌لات و سه‌لامێن خودێ ل سه‌ر بن) گۆت: وان بهێله و ژ پێیێن من نه‌كه، چونكی من پێیێن خۆ كرینه د ناڤ واندا د ده‌مه‌كیدا ئه‌ز یێ ب ده‌ستنڤێژ بووم، پاشی پێغه‌مبه‌ری (صه‌لات و سه‌لامێن خودێ ل سه‌ر بن) ل شوینا شویشتنا پێیان؛ مه‌سح ل سه‌ر خۆفكێن خۆ كر.
...:
دروستییا مه‌سحكرنا ل سه‌ر خۆفكان بۆ هنگییه ده‌مێ مرۆڤ ده‌ستنڤێژا خۆ دگریت پشتی ده‌ستنڤێژا مرۆڤی یا بچویك دشكێت، به‌لێ ئه‌گه‌ر مرۆڤ پێدڤی ب سه‌رشویشتنا مه‌زن بیت (ب جه‌نابه‌ت بكه‌ڤیت)؛ وی ده‌می دڤێت مرۆڤ پێیێن خۆ ژی بشۆت.
مه‌سحكرن ب تنێ ئێك جاره، ئه‌ڤه ژی ب پێدائینانا ده‌ستێ ته‌ڕكری ل سه‌ر سه‌رڤه‌هییا خۆفكێ نه‌كو بنێ وێ.
مه‌رجێن مه‌سحكرنا ل سه‌ر خۆفكان ئه‌ڤه‌نه: پێدڤییه مرۆڤی ئه‌و خۆفكه پشتی ده‌ستنڤێژه‌كا ته‌مام و شویشتنا پێیان كربنه پێیێن خۆ، پێدڤییه هه‌ردوو خۆفكه دپاقژ بن و ئه‌و جهێ پێدڤی ژ پێی ڤه‌شارتبن (كو هه‌تا گوزه‌كانه)، هه‌روه‌سا مه‌سحكرن ب تنێ بۆ ده‌ستنڤێژكه‌ڤتنا بچویكه نه بۆ جه‌نابه‌تێ یان وی تشتێ سەرشویشتنێ فەر دکەت، كا چاوا دڤێت د وه‌ختێ خۆ یێ شه‌رعیدا بیت كو شه‌ڤه‌ك و ڕۆژه‌كه بۆ كه‌سێ ل مال و سێ شه‌ڤ و سێ ڕۆژن بۆ كه‌سێ گه‌شتیار (موسافر).
هه‌ر تشتێ پێیان ڤه‌شێریت و بنخێڤیت وه‌كی گۆره‌یان و ژ بلی وان، ئه‌و ژی دكه‌ڤنه د بن حوكمێ خۆفكانڤه و مه‌سحكرن ل سه‌ر وان یا دروسته.
ڕه‌وشتێ جوانێ پێغه‌مبه‌ری (صه‌لات و سه‌لامێن خودێ ل سه‌ر بن) و فێرکرنا وی، ئه‌ڤه ژی ده‌مێ موغیره ژ ژێكرنا خۆفكان پاشڤه‌بری و نه‌هێلای خۆفكێن وی ژ پێیێن وی بكه‌ت و ئه‌گه‌ر ژی بۆ دیار كری: كو وی ئه‌و ب پاقژی كرینه پێیێن خۆ، ئه‌ڤه ژی دا كو دلێ وی ئارام بیت و حوكمێ شه‌رعی بزانیت.
زێده‌تر (8)
صه‌حیحا بۆخاری (1/ 52) (206).
صه‌حیحا موسلمی (1/ 230) (274).
تيسير العلام شرح عمدة الأحكام.
لعبد الله البسام (ص50).
الإلمام بشرح عمدة الأحكام.
لإسماعيل الأنصاري (1/ 36).
خلاصة الكلام شرح عمدة الأحكام.
لفيصل آل مبارك (ص27).
Cited in books
3 Booksزێده‌تر (3)
- ما لا يسع أطفال المسلمين جهله«دَعْهُمَا فَإِنِّي أَدْخَلْتُهُمَا طَاهِرَتَيْنِ» فَمَسَحَ عَلَيْهِمَا[30].
- مشروع المنهج التعليميمادة الفقه مستوى 1«دَعْهُمَا، فَإِنِّي أَدْخَلْتُهُمَا طَاهِرَتَيْنِ» فَمَسَحَ عَلَيْهِمَا.
- نبراس طالب (2)نبراس طالب (2) فعن المغيرة بن شُعبة رضي الله عنه قال: كُنْتُ مَعَ النَّبِيِّ صلى الله عليه وسلم فِي سَفَرٍ، فَأَهْوَيْتُ لِأَنْزِعَ خُفَّيْهِ، فَقَالَ: «دَعْهُمَا، فَإِنِّي أَدْخَلْتُهُمَا طَاهِرَتَيْنِ». فَمَسَحَ عَلَيْهِمَا.