((بۆ چ موسلمانان یا حه‌لال نینه ئه‌و ژ سێ شه‌ڤان زێده‌تر ژ برایێ خۆ سل ببيت و پشتا خۆ بده‌تێ و د گه‌ل نه‌ئاخڤیت، دێ گه‌هنه ئێك و ئه‌ڤه دێ پشتا خۆ ده‌ته ڤی و یێ دی دێ پشتا خۆ ده‌ته وی، باشترینێ وان ژی ئه‌وه یێ ده‌ستپێكێ سلاڤ دكه‌ت))
ژ ئه‌بو ئه‌یووبێ ئه‌نصاڕی (خودێ ژێ ڕازی بیت) ژ پێغەمبەرێ خودێ (صەلات و سەلامێن خودێ ل سەر بن) گۆت:
((بۆ چ موسلمانان یا حه‌لال نینه ئه‌و ژ سێ شه‌ڤان زێده‌تر ژ برایێ خۆ سل ببيت و پشتا خۆ بده‌تێ و د گه‌ل نه‌ئاخڤیت، دێ گه‌هنه ئێك و ئه‌ڤه دێ پشتا خۆ ده‌ته ڤی و یێ دی دێ پشتا خۆ ده‌ته وی، باشترینێ وان ژی ئه‌وه یێ ده‌ستپێكێ سلاڤ دكه‌ت)).
«لَا يَحِلُّ لِرَجُلٍ أَنْ يَهْجُرَ أَخَاهُ فَوْقَ ثَلَاثِ لَيَالٍ، يَلْتَقِيَانِ، فَيُعْرِضُ هَذَا وَيُعْرِضُ هَذَا، وَخَيْرُهُمَا الَّذِي يَبْدَأُ بِالسَّلَامِ».
پێغه‌مبه‌ری (صه‌لات و سه‌لامێن خودێ ل سه‌ر بن) پاشڤه‌برن ژ هندێ كر كو مرۆڤێ موسلمان زێده‌تر ژ سێ شه‌ڤان برایێ خۆ یێ موسلمان بهێلیت و پشتا خۆ بده‌تێ، وه‌سا كو هه‌ردوو بگه‌هنه ئێك و سلاڤ نه‌كه‌نه ئێك و د گه‌ل ئێك نه‌ئاخڤن. باشترینێ ڤان دوو كه‌سێن دلێ وان ژێك مایی ئه‌وه یێ بزاڤێن نه‌هێلانا ڤێ دلمان و هیلانێ دكه‌ت و ده‌ستپێكێ سلاڤ دكه‌ت، مه‌ره‌م ب هێلانێ (هه‌جركرنێ) ل ڤێرێ ئه‌و هێلانه یا ژ به‌ر حه‌زا نه‌فسێ بیت، به‌لێ هندیكه ئه‌و هێلانه یا مرۆڤ ژ به‌ر خودایێ مه‌زن دكه‌ت، وه‌كی هێلانا گونه‌هكار و بیدعه‌چی و هه‌ڤالێن خراب، ئه‌ڤێ هێلانێ چ ده‌م بۆ نه‌هاتینه دیار كرن و ب چ ده‌مانڤه یا گرێدایی نینه، به‌لكی یا گرێداییه ب وێ به‌رژه‌وه‌ندییێڤه یا ل سه‌ر هێلانێ ئاڤا دبیت و ئه‌گه‌ر به‌رژه‌وه‌ندی نه‌ما؛ هنگی هێلان (هه‌جر) ژی نامینیت و نابیت بهێته كرن.
...:
ئه‌گه‌رێ حه‌لالبوونا هێلان و پشتدانێ بۆ سێ ڕۆژان و كێمتر بۆ به‌رچاڤ وه‌رگرتنا سروشتێ مرۆڤی دزڤڕیت (چونكی ده‌ستپێكا دلمانێ مرۆڤ یێ گه‌رمه و ب سروشتێ خۆ نه‌شێت ئێكسه‌ر ل كه‌سێ به‌رامبه‌ر ببووریت و لێ بزڤڕیت)، له‌وا شه‌ریعه‌ت ل مرۆڤی ناگریت سێ شه‌ڤان ژ برایێ خۆ یێ موسلمان سل بیت و پشتا خۆ بده‌تێ؛ دا ئه‌ڤ كه‌ربه و ئه‌ڤ تشتێ بوویه ئه‌گه‌رێ هێلانێ بچیت و نه‌مینیت.
قه‌در و بها و خێرا سلاڤكرنێ و كو ئه‌و وی تشتێ د دلیدا په‌یدابووی (ژ كه‌رب و نه‌ڤیانێ) ناهێلیت و كو ئه‌و نیشانه‌كه ل سه‌ر ڤیان و حه‌زژێكرنێ.
ڕژدبوونا ئیسلامێ ل سه‌ر برایینی و بهێزبوونا په‌یوه‌ندییێن موسلمانان.
زێده‌تر (8)
صه‌حیحا بۆخاری (8/ 21) (6077).
صه‌حیحا موسلمی (4/ 1984) (2560).
منحة العلام في شرح بلوغ المرام.
لعبد الله الفوزان (10/ 111).
فتح ذي الجلال والإكرام بشرح بلوغ المرام.
لابن عثيمين (6/ 293).
توضيح الأحكام من بلوغ المرام.
للبسام (7/ 339).
Cited in books
2 Booksزێده‌تر (2)
- المناهج التعليمية - الصف السادسالمناهج الدراسية - الحديث - الصف السادس - الفصل الأول «لَا يَحِلُّ لِمُسْلِمٍ أَنْ يَهْجُرَ أَخَاهُ فَوْقَ ثَلَاثِ لَيَالٍ، يَلْتَقِيَانِ فَيُعْرِضُ هَذَا وَيُعْرِضُ هَذَا، وَخَيْرُهُمَا الَّذِي يَبْدَأُ بِالسَّلَامِ»
- المناهج التعليمية - الصف السادسالمناهج الدراسية - الحديث - الصف السادس - الفصل الأول «وخَيْرُهُما الذي يَبْدَأ بِالسَّلَامِ».