“ពាក្យហ្ស៊ីកៀរដែលមិនធ្វើឲ្យអ្នកដែលសូត្រវា(ឬអ្នកដែលអនុវត្តវា)នៅរៀងរាល់ពេលក្រោយសឡាតដែលជាកាតព្វកិច្ចមិនខកបំណងនោះគឺ៖ سُبْحَان اللهِ ៣៣ដង, الحَمْدُ للهِ ៣៣ដង និង اللهُ أكْبَرُ ៣៤ដង”។

ណាពី ﷺ លោកបានប្រាប់នូវពាក្យហ្ស៊ីកៀរដែលមិនធ្វើឲ្យអ្នកពោលវាខាតបង់ ឬស្តាយក្រោយឡើយ។ ផ្ទុយទៅវិញ រូបគេនឹងទទួលបានផលបុណ្យលើការពោលពាក្យទាំងនេះ ហើយគេត្រូវពោលពាក្យនេះបន្តបន្ទាប់គ្នាបន្ទាប់ពីសឡាតដែលជាកាតព្វកិច្ច។ ពាក្យទាំងនោះគឺ៖ " سُبْحَان اللهِ" (អល់ឡោះជាម្ចាស់មហាស្អាតស្អំ) ចំនួន៣៣ដង។ វាជាការបញ្ជាក់ពីភាពបរិសុទ្ធ ស្អាតស្អំរបស់ទ្រង់ពីលក្ខណៈខ្វះខាត។ "الحَمْدُ للهِ" (ការសរសើរទាំងឡាយ គឺសម្រាប់អល់ឡោះ) ចំនួន៣៣ដង។ វាជាការពណ៌នាអំពីភាពពេញលេញ ឥតខ្ចោះរបស់អល់ឡោះជាម្ចាស់ ព្រមជាមួយនឹងក្តីស្រឡាញ់ និងការលើកតម្កើងចំពោះទ្រង់។ "للهُ أكْبَرُ" (អល់ឡោះជាម្ចាស់មហាធំធេង) ចំនួន៣៤ដង។ ជាការពិតណាស់ អល់ឡោះជាម្ចាស់មហាធំធេង មហាឧត្តុង្គឧត្តម និងមហាខ្ពង់ខ្ពស់លើសអ្វីៗទាំងអស់។