“ពិតណាស់ លោកិយត្រូវបានគេដាក់បណ្ដាសា ហើយអ្វីៗនៅក្នុងវាក៏ត្រូវគេដាក់បណ្ដាសាដែរ លើកលែងតែការរលឹកទៅចំពោះអល់ឡោះ និងអ្វីដែលប្រហាក់ប្រហែលនឹងវា អ្នកចេះដឹង ហើយនិងអ្នករៀនសូត្រ”។

ណាពី ﷺ លោកបានប្រាប់ថា ជាការពិតណាស់ លោកិយ និងអ្វីដែលនៅលើវាត្រូវទទួលនូវការខឹងសម្បា ការស្តីបន្ទោស ការបោះបង់ និងការបណ្តេញចេញឆ្ងាយពីអល់ឡោះជាម្ចាស់។ អ្វីៗដែលនៅក្នុងវាត្រូវបានគេបោះបង់ដោយគេមិនកោតសរសើរឡើយ ក៏ព្រោះតែលោកិយ និងអ្វីដែលនៅក្នុងវាមានភាពមមាញឹកភ្លេចខ្លួនពីអល់ឡោះ និងចាកឆ្ងាយពីទ្រង់ លើកលែងតែការហ្ស៊ីកៀរ រលឹកទៅចំពោះអល់ឡោះ ហើយនិងអ្វីដែលធ្វើឲ្យខិតជិតទ្រង់ ឬក៏ប្រការផ្សេងទៀត ដែលស្ថិតនៅក្នុងចំណោមប្រការដែលអល់ឡោះជាម្ចាស់ទ្រង់ស្រឡាញ់ពេញចិត្ត ឬក៏អ្នកដែលមានចំណេះដឹងផ្នែកសាសនាហើយបង្រៀនវាដល់មនុស្ស ឬក៏អ្នកដែលសិក្សារៀនសូត្រចំណេះដឹងនោះប៉ុណ្ណោះ។