“សូមអល់ឡោះជាម្ចាស់ទ្រង់មានក្តីមេត្តាករុណាដល់បុរសម្នាក់ដែលមានការអធ្យាស្រ័យនៅពេលលក់ នៅពេលទិញ និងនៅពេលទារបំណុល”។

ណាពី ﷺ លោកបួងសួងសុំឱ្យទទួលបានក្តីមេត្តាករុណាដល់រាល់អ្នកដែល៖ ផ្តល់ភាពងាយស្រួល ចិត្តទូលាយ និងមានចិត្តសប្បុរសនៅក្នុងការលក់ ដោយគេមិនដាក់សម្ពាធលើអ្នកទិញទាក់ទងនឹងតម្លៃទំនិញឡើយ ហើយប្រាស្រ័យទាក់ទងនឹងអ្នកទិញដោយសុជីវធម៌ល្អប្រពៃ។ ផ្តល់ភាពងាយស្រួល ចិត្តទូលាយ និងមានក្តីសប្បុរសនៅពេលទិញ ដោយគេមិនបន្ទាបបន្ថោកតម្លៃទំនិញនោះឡើយ។ ផ្តល់ភាពងាយស្រួល ចិត្តទូលាយ និងមានក្តីសប្បុរសនៅពេលទារបំណុល ដោយគេមិនដាក់សម្ពាធលើជនក្រីក្រ និងអ្នកដែលមានតម្រូវការចាំបាច់នោះឡើយ។ ផ្ទុយទៅវិញ គេទារបំណុលពីអ្នកទាំងនោះដោយភាពទន់ភ្លន់ ហើយពន្យារពេលសងបំណុលចំពោះអ្នកដែលមានការលំបាក។