Encyclopedia of Prophetic Hadiths

Yon jou, Mesaje Allah a (ke benediksyon ak kè poze Allah sou li) te leve kanpe devan nou, li te fè nou yon prèch ki pwisan anpil, ki te fè kè nou tranble epi ki te fè nou kriye. Yo te dil: 'O Mesaje Allah, se tankou si se te dènye prèch ou tap fè nou an, kidonk ba nou yon rekòmandasyon.' Li te di: 'Mwen rekòmande nou pou nou gen krentif pou Allah ,pou nou koute epi obeyi, menm si se yon esklav abisini (Etyopyen) ki ta dirije nou. Paske, aprèm fin ale, nap wè gwo divizyon, kidonk nou dwe swiv tradisyon mwen an (Sunnah) ak tradisyon kalif ki byen gide yo. Kenbe yo byen fèm avèk dan nou, epi pran prekosyon ak bagay ki fèk parèt yo (inovasyon nan relijyon), paske chak inovasyon se yon devyasyon (erè).

«Nenpòt moun ki fè ablisyon epi li fè ablisyon an byen, aprèsa li ale nan priyè Vandredi a, epi li koute (prèch la) epi li fè silans, yap padone pou li sa ki genyen ant Vandredi sa a ak lòt la, avèk 3 jou anplis. Epi nenpòt moun ki touche ti wòch yo (pou li jwe), li komèt yon aksyon initil (ki anile rekonpans priyè l la).»

Kite m' (pa pousem nan detay) sou sam pa di nou. Se paske pèp ki te viv anvan nou yo te konn poze twòp kesyon epi yo te konn dezobeyi pwofèt yo ki fè yo te peri. Donk, sim entèdi nou yon bagay, evitel nèt; e sim ban nou yon lòd, fè tout saw kapab pouw respektel. »

«An verite, Allah renmen lè yo aji daprè fasilite Li yo, menm jan Li renmen lè yo aji daprè kòmandman fèm Li yo.»

Yon mesye te mande Mesaje Allah la (Ke lapè ak benediksyon Allah sou li), epi li di: "Kisa ou panse, si mwen akonpli Lapriyè obligatwa yo, mwen jene Ramadan, mwen pratike sa ki Halal, epi mwen evite sa ki Haram, epi mwen pa ajoute anyen sou sa, èske map antre nan Paradi?" Li reponn: «Wi». Li di: "Pa Allah, mwen pap ajoute anyen sou sa."

«Pi bon jou solèy la leve sou li, se jou Vandredi. Se nan jou sa a Adan te kreye, se nan jou sa a li te antre nan Paradi, epi se nan jou sa a tou yo te fè li soti ladan li, epi lafen dimond pap rive eksepte nan jou Vandredi.»

Ō nou menm moun yo, simaye lapè, bay moun manje, kenbe bon lyen ak fanmi nou, epi lapriyè nan mitan lannwit pandan tout moun ap dòmi, konsa nap antre nan Paradi an pè.

«Ranje ran nou yo dwat, paske ranje ran yo dwat se youn nan sa ki rann lapriyè a konplè.»