Encyclopedia of Prophetic Hadiths

« Nenpòt moun ki jene mwa Ramadan an ak lafwa, pandan lap chèche rekonpans nan men Bondye, Bondye ap efase tout peche l te fè anvan sa.»

Lè Mesaje Allah a (se pou lapè ak Benediksyon Allah kouvri li) te konn fè Takbir nan lapriyè, li te konn fè yon ti silans anvan li kòmanse lekti a. Epi mwen di: "O Mesaje Allah, mwen ta bay papam ak manmanm pou ou, kisa ou konn di nan silans ou fè ant Takbir (deklare grandè Allah) ak lekti a?" Li te di: «Mwen di: O Allah, mete distans ant mwen menm ak pechem yo, menm jan ou mete distans ant Lès ak Lwès. O Allah, netwayem anba pechem yo, menm jan yo netwaye yon rad blan anba salte. O Allah, lavem anba pechem yo avèk nèj, dlo, ak lagrèl.»

«Satan ap vin jwenn youn nan nou, epi li di: Kilès ki kreye tèl bagay? Kilès ki kreye tèl bagay? Jiskaske li di: Kilès ki kreye Seyè ou a? Epi si li ta rive nan pwen sa a, enben se pou li chache pwoteksyon nan men Allah, epi se pou li sispann.»

«Nenpòt moun mizilman, lè lè yon priyè obligatwa rive, ki fè woudou li, konsantrasyon li ansanm ak woukou li byen, sa ap sèvi kòm padon pou tout peche li te fè anvan yo, toutotan li pa fè yon gwo peche, epi sa valab pou tout tan.»

«Lè yonn nan nou santi yon bagay nan vant li, epi li gen dout si gen yon bagay ki soti nan li oswa non, se poul pa soti nan Moske a jiskaske li tande yon bri, oswa li santi yon sant.»

«Lave kò (Ghusl) jou vandredi a se yon obligasyon pou tout moun ki fòme (ki rive nan laj pibète), epi tou pou li netwaye bouch li (miswak), epi pou li mete pafen si li jwenn.»

Mwen konseye nou pou nou toujou di laverite, paske laverite mennen nan fè sa ki byen (ladwati), epi fè sa ki byen mennen nan Paradi a. Yon moun ap kontinye di laverite epi chèche di sa ki vrè jiskaske Allah ekri non li kòm yon moun ki fidèl e sensè nèt (Siddīq). Epi fè atansyon ak manti, paske manti mennen nan move zak, epi fè move zak mennen nan Lanfè. Yon moun ap kontinye bay manti epi chèche bay manti jiskaske Allah ekri non li kòm yon gwo mantè.

«Èske youn nan nou pa pè - oswa: èske youn nan nou pa pè - lè li leve tèt li anvan Imam nan, pou Allah transfòme tèt li an yon tèt bourik, oubyen pou Allah transfòme fòm li an yon fòm bourik?».