Encyclopedia of Prophetic Hadiths

Pwofèt la (ke lapè ak benediksyon Allah sou li) te monte sou yon bèt (chamo), epi Mu'adh te dèyè li. Pwofèt la di: "O Mu'adh ibn Jabal!" Mu'adh reponn: "Mwen la pou sèvi ou, O Mesaje Allah, epi mwen pare poum obeyi ou!" Pwofèt la repete: "O Mu'adh!" Li reponn: "Mwen la pou sèvi ou, O Mesaje Allah, e mwen pare poum obeyi ou!" (Sa te rive 3 fwa). Epi Pwofèt la di: "Pa gen pèsonn ki temwanye sensèman nan kè li ke pa gen lòt dye eksepte Allah e ke Muhammad se mesaje Allah a, san Allah pa entèdi dife lanfè a pou li." Mu'adh di: "O Mesaje Allah, èske mwen pa dwe anonse moun yo sa pou yo ka kontan?" Pwofèt la reponn: "Si ou fè sa, yap konte sou sa (yap sispann fè efò)." Aprèsa , Mu'adh te rakonte sa anvan li mouri, paske li te pè pou li pat kache yon konesans.

Gen kèk moun ki te poze Mesaje Allah (lapè ak benediksyon Allah kouvri li) kesyon sou divinò yo, epi Mesaje Allah (lapè ak benediksyon Allah kouvri li) te di yo: «Yo pa anyen.» Yo te di: O Mesaje Allah, men pafwa moun sa yo konn di kèk bagay ki se laverite. Lè sa a, Mesaje Allah (lapè ak benediksyon Allah kouvri li) te di: «Ti pawòl sa a ki soti nan laverite a, se djinn nan ki vòlè li, epi li depozel nan zòrèy alyel la menm jan ak bri yon manman poul, epi yo melanje ansanm avèl plis pase 100 manti.»

«Piga nou chita sou tonb yo, ni pa lapriyè nan direksyon yo.»

«Sètènman, Allah Granmèt la di: Nenpòt moun ki fè lènmi ak yon moun ki pwòch mwen (yon wali), mwen deklare lagè kont li. Epi sèvitèm nan pa pwoche vin jwenn mwen ak okenn bagay mwen pi renmen pase sa mwen rann obligatwa pou li a. Epi sèvitèm nan ap kontinye pwoche vin jwenn mwen atravè zak adorasyon siplemantè (nawafil) yo jiskaske mwen vin renmenl. Lè mwen vin renmenl, mwen tounen zòrèy li tande avèl la, zye li wè avèl la, men li aji avèl la, ak pye li mache avèl la. Epi sil mandem yon bagay, asireman map balil, epi sil chèche pwoteksyon nan mwen, asireman map pwotejel.»

Lè lanmò te desann sou Mesaje Allah a (se pou lapè ak benediksyon Allah sou li), li te kòmanse mete yon moso twal li te genyen sou figi li, epi lè li te santil toufe avèk li, li te retirel sou figi li, epi li te di pandan li te nan eta sa a: «Madichon Allah sou Jwif yo ak Kretyen yo; yo te pran tonb pwofèt yo pou yo fè yo tounen moske (kote pou yo adore).» Li tap avèti kont sa yo te fè a.

Mesaje Allah a (lapè ak benediksyon sou li) te antre lakay mwen pandan mwen te kouvri yon ti etajè (oswa yon ti ouvèti nan miray la) ak yon rido ki te gen imaj (desen bèt vivan) sou li. Lèl te wè sa, li te dechirel, figi li te chanje koulè (akòz kòlè), epi li te di: "O Aicha, moun kap sibi pinisyon ki pi rèd bò kot Allah nan Jou Jijman an, se moun ki eseye imite kreyasyon Allah a." Aicha te di: "Nou te koupe twal la, epi nou te fè youn oubyen 2 zòrye avèk li."

« Mwen te dèyè pwofèt la (Se pou lapè ak Benediksyon Allah kouvril) sou yon bourik yo te rele ‘Ufayr. Li te dim: "O Mou'az ! Èske ou konnen ki dwa Allah genyen sou sèvitè li yo, epi ki dwa sèvitè yo genyen sou Allah ?" Mwen te reponn: "Allah ak Mesaje li a konnen pi byen." Li te di: "Dwa Allah sou sèvitè yo, se pou yo adorel san yo pa asosye anyen avèk li. Epi, dwa sèvitè yo sou Allah, se pou Li pa pini moun ki pa asosye anyen avè l." Mwen te di: "O Mesaje Allah ! Èske mwen pa dwe bay moun yo bon nouvèl sa a?" Li te reponn: "Pa bay yo bon nouvèl sa a, paske yap vin apiye sou li (yap vin neglijan nan aksyon yo)." »

Mesaje Allah a (lapè ak benediksyon Allah sou li) te dirije lapriyè maten an pou nou nan Al-Hudaybiyah, aprè yon lapli ki te tonbe nan mitan lannwit lan. Lèl te fini, li te vire fas li bò kote moun yo, li di: "Èske nou konnen sa Seyè nou an te di?" Yo te reponn: "Allah ak Mesaje Li a konnen pi byen." Li te di: "Pami sèvitèm yo, gen moun ki leve nan yon eta kote yo kwè nan mwen, epi gen moun ki leve nan yon eta kote yo pa kwayan. Konsènan moun ki te di: 'Nou te resevwa lapli gras a favè Allah ak mizèrikòd li,' moun sa a kwè nan mwen epi li pa kwè nan zetwal yo (kòm sous lapli a). Men, konsènan moun ki te di: 'Nou te resevwa lapli gras a etwal sila a oswa etwal sila a,' moun sa a pa kwè nan mwen epi li kwè nan zetwal yo."