Encyclopedia of Prophetic Hadiths

Mesaje Allah a (lapè ak benediksyon sou li) te antre lakay mwen pandan mwen te kouvri yon ti etajè (oswa yon ti ouvèti nan miray la) ak yon rido ki te gen imaj (desen bèt vivan) sou li. Lèl te wè sa, li te dechirel, figi li te chanje koulè (akòz kòlè), epi li te di: "O Aicha, moun kap sibi pinisyon ki pi rèd bò kot Allah nan Jou Jijman an, se moun ki eseye imite kreyasyon Allah a." Aicha te di: "Nou te koupe twal la, epi nou te fè youn oubyen 2 zòrye avèk li."

« Mwen te dèyè pwofèt la (Se pou lapè ak Benediksyon Allah kouvril) sou yon bourik yo te rele ‘Ufayr. Li te dim: "O Mou'az ! Èske ou konnen ki dwa Allah genyen sou sèvitè li yo, epi ki dwa sèvitè yo genyen sou Allah ?" Mwen te reponn: "Allah ak Mesaje li a konnen pi byen." Li te di: "Dwa Allah sou sèvitè yo, se pou yo adorel san yo pa asosye anyen avèk li. Epi, dwa sèvitè yo sou Allah, se pou Li pa pini moun ki pa asosye anyen avè l." Mwen te di: "O Mesaje Allah ! Èske mwen pa dwe bay moun yo bon nouvèl sa a?" Li te reponn: "Pa bay yo bon nouvèl sa a, paske yap vin apiye sou li (yap vin neglijan nan aksyon yo)." »

Mesaje Allah a (lapè ak benediksyon Allah sou li) te dirije lapriyè maten an pou nou nan Al-Hudaybiyah, aprè yon lapli ki te tonbe nan mitan lannwit lan. Lèl te fini, li te vire fas li bò kote moun yo, li di: "Èske nou konnen sa Seyè nou an te di?" Yo te reponn: "Allah ak Mesaje Li a konnen pi byen." Li te di: "Pami sèvitèm yo, gen moun ki leve nan yon eta kote yo kwè nan mwen, epi gen moun ki leve nan yon eta kote yo pa kwayan. Konsènan moun ki te di: 'Nou te resevwa lapli gras a favè Allah ak mizèrikòd li,' moun sa a kwè nan mwen epi li pa kwè nan zetwal yo (kòm sous lapli a). Men, konsènan moun ki te di: 'Nou te resevwa lapli gras a etwal sila a oswa etwal sila a,' moun sa a pa kwè nan mwen epi li kwè nan zetwal yo."

Yo te mande: "O Mesaje Allah! Kiyès ki moun ki pi ere (oswa ki gen plis chans) pou jwenn entèsesyon ou nan Jou Jijman an?" Pwofèt la (lapè ak benediksyon Allah sou li) te reponn: "O Abu Huraira, mwen te panse pa tap gen pèsonn anvan ou ki tap mandem sou hadith (pawòl) sa a, paske mwen wè jan ou enterese anpil pou aprann hadith yo. Moun ki pi ere pou jwenn entèsesyon mwen nan Jou Jijman an, se moun ki te di 'La ilaha illa Allah' (Pa gen lòt dye eksepte Allah) ak tout senserite ki soti nan fon kè li oswa nan nanm li."

«Anverite, Allah ekri bèl aksyon yo ak move aksyon yo, aprèsa Li eksplike sa, donk, moun ki gen entansyon fè yon bèl aksyon men li pa fèl; Allah ekri pou li yon bèl aksyon konplè, epi si li gen entansyon fèl epi li fèl; Allah ekri pou li 10 bèl aksyon jiska 700 fwa plis, e menm anpil lòt fwa ankò, epi si li gen entansyon fè yon move aksyon men li pa fèl; Allah ekri pou li yon bèl aksyon konplè, epi si li gen entansyon fèl epi li fèl; Allah ekri pou li yon sèl move aksyon».

Islam baze sou 5 prensip: temwanye pa gen lòt dye pase Allah epi Muhammad se sèvitè li ak mesaje li, fè lapriyè, bay zakat, fè pelerinaj nan Kay la (Kaaba), epi fè jèn pandan mwa Ramadan an.

Dapre Pwofèt la (lapè ak benediksyon Allah sou li) nan sa li rapòte de Seyè li a (ki gen pouvwa ak grandè), li di: Li di: «Anverite, Allah ekri bèl aksyon yo ak move aksyon yo, epi Li esplike sa. Konsa, moun ki gen entansyon fè yon bèl aksyon epi li pa fèl, Allah ekri pou li bò kote Pal yon bèl aksyon konplè. Epi si li gen entansyon fèl epi li fèl, Allah ekri pou li 10 bèl aksyon jiska 700 fwa plis, e menm anpil lòt fwa ankò. Epi, moun ki gen entansyon fè yon move aksyon epi li pa fèl, Allah ekri pou li bò kote Pal yon bèl aksyon konplè. Epi si li gen entansyon fèl epi li fèl, Allah ekri pou li yon sèl move aksyon».

Li te avèk Mesaje Allah la (ke lapè ak benediksyon Allah sou li) nan youn nan vwayaj li yo, li te di: Konsa, Mesaje Allah la (ke lapè ak benediksyon Allah sou li) te voye yon mesaje -pandan moun yo te nan plas kote yo tap pase nwit pou yo dòmi an-: «Pa dwe rete okenn kolye ki fèt ak kòd banza oswa okenn lòt kalite kolye nan kou okenn chamo san yo pa koupe li.»