Encyclopedia of Prophetic Hadiths

Se pou Allah fè mizèrikòd ak yon moun ki gen bon kè (ki toleran e ki fasil) lè lap vann, lè lap achte, epi lè lap reklame lajan moun dwe li.

Se pou lang ou toujou rete mouye ak rapèl Allah .

Gen 6 kalite aksyon, epi gen 4 kalite moun. Gen 2 aksyon ki detèmine sò yon moun (obligatwa), gen aksyon ki peye menm ak menm, gen bon aksyon ki peye 10 fwa valè yo, epi gen bon aksyon ki peye 700 fwa valè yo. Konsènan 2 aksyon ki detèmine sò yon moun: Moun ki mouri san li pa janm asosye pèsonn ak Allah, lap antre nan Paradi; epi moun ki mouri pandan li tap asosye yon bagay ak Allah, lap antre nan Lanfè. Konsènan aksyon ki peye menm ak menm: Yon moun ki gen entansyon fè yon bon aksyon jiskaske kèl santil, epi Allah konnen entansyon sa a nan men li, yo ekri yon bon aksyon pou li. Yon moun ki fè yon move aksyon, yo ekri yon sèl move aksyon sou kont li. Yon moun ki fè yon bon aksyon, yo peyel 10 fwa valè aksyon sa a. Yon moun ki depanse byen li nan chemen Allah a, yo peye li yon bon aksyon ki egal ak 700 fwa valè li. Konsènan 4 kalite moun yo: 1- Moun ki jwenn anpil benediksyon nan mond sa a, men ki pral gen anpil restriksyon nan lòt mond lan. 2- Moun ki gen anpil restriksyon nan mond sa a, men ki pral jwenn anpil benediksyon nan lòt mond lan. 3- Moun ki gen restriksyon nan mond sa a epi ki pral gen restriksyon tou nan lòt mond nan. 4- Moun ki jwenn anpil benediksyon nan mond sa a epi ki pral jwenn anpil benediksyon tou nan lòt mond nan.

Li pa pèmèt pou yon gason vire do bay frèl (pa pale avè l) pandan plis pase 3 nwit. Lè yo rankontre, youn vire figil sou kote, epi lòt la fè menm bagay la. Pi bon nan yo 2 a se sila a ki pran devan pou li salye (pou l di salam).

Gen yon Mesye ki te vini jwenn Pwofèt la (ke benediksyon Allah ak kè poze sou li) epi li dil: "Mwen pèdi tout mwayen mwen (mwen pa gen kote poum rete / pa gen mwayen transpò), tanpri edem ." Pwofèt la di: "Mwen pa gen anyen poum ba ou." Lè sa a, yon lòt mesye di: "O Mesaje Allah mwen ka montrel yon moun ki ka ede li." Pwofèt la (ke benediksyon Allah ak kè poze sou li) reponn: "Nenpòt moun ki montre yon lòt moun chemen pou li fè yon byen, lap jwenn menm rekonpans ak moun ki fè byen an."

«An verite, moun ke Allah pi deteste a, se sila ki pi tèt di nan fè diskisyon (kont).»

'Malè pou li, aprèsa malè pou li, aprèsa malè pou li.' Yo te mande: 'Ki moun? O Mesaje Allah.' Pwofèt la di: 'Moun ki jwenn paran li yo nan vyeyès yo, youn nan yo oswa yo tou 2 epi li pa antre nan Paradi a.'

«Lè yon moun mouri, zèv li yo kanpe eksepte pou 3 bagay: eksepte pou yon charite kap kontinye, oswa yon konesans moun benefisye de li, oswa yon pitit ki dwat kap priye pou li».