عربي - Arabic English Qafár af - Afar Afrikaans - Afrikanns Akan Shqip - Albanian አማርኛ - Amharic Հայերեն - Armenian অসমীয়া - Assamese Azərbaycanca - Azerbaijani Bamanankan - Bambara Bassa Bemba বাংলা - Bengali Bosanski - Bosnian Български - Bulgarian မြန်မာဘာသာ - Burmese Bisaya - Cebuano Cham Нохчий - Chechen chiCheŵa - Chewa 中文 - Chinese Адыгэбзэ - Circassian Hrvatski - Croatian Česky - Czech Dagbani Dansk - Danish فارسی دری - Dari Dendi ދިވެހި ބަސް - Dhivehi Nederlands - Dutch إستوني - Estonian Suomi - Finnish Fon Français - French Fulfulde - Fula ქართული - Georgian Deutsch - German Ελληνικά - Greek ગુજરાતી - Gujrati Kreyòl ayisyen - Haitian Creole Hausa हिन्दी - Hindi Magyar - Hungarian Igbo Indonesia - Indonesian Italiano - Italian 日本語 - Japanese Jóola - Jola ಕನ್ನಡ - Kannada Қазақша - Kazakh ភាសាខ្មែរ - Khmer Kikuyu Ikinyarwanda - Kinyarwanda Ikirundi - Kirundi 한국어 - Korean كوردی سۆرانی - kurdish كوردي kurmancî - Kurmanji Kyrgyz ລາວ - Lao latviešu - Latvian Lingala lietuvių - Lithuanian Luganda Македонски - Macedonian Maguindanaon Malagasy - Malagasy Bahasa Melayu - Malay മലയാളം - Malayalam Mandinka मराठी - Marathi Mõõré - Moore नेपाली - Nepali أنكو - NKo Norwegian ଓଡ଼ିଆ - Odia oromoo - Oromo پښتو - Pashto فارسی - Persian Polski - Polish Portuguese ਪੰਜਾਬੀ - Punjabi Română - Romanian Русский - Russian Српски - Serbian Shona සිංහල - Sinhala Slovenščina - Slovenian Soomaaliga - Somali Soninke Sesotho - Sotho Español - Spanish Kiswahili - Swahili Svenska - Swedish Tagalog Тоҷикӣ - Tajik தமிழ் - Tamil తెలుగు - Telugu ไทย - Thai ትግረኛ - Tigrinya Türkçe - Turkish Türkmen - Turkmen Ukrainian اردو - Urdu ئۇيغۇرچە - Uyghur Ўзбек - Uzbek Việt Nam - Vietnamese Wolof Yao Yorùbá - Yoruba Zarma زولو - Zulu
477 Hadiths
Encyclopedia of Prophetic Hadiths
التصنيف الشرعي
Grading
Narrated in
Narrator
Gen kèk mesye ki te vin jwenn Sahl ibn Sa’d as-Sa’idi, epi yo te gen yon diskisyon sou ki kalite bwa minbar (chèz kote yo bay sèmon an) te fèt. Yo mandel sou sa, e li di: "Pa Allah, mwen konnen byen ki sa li fèt! Mwen te wèl depi premye jou yo te mete li, e premye jou Pwofèt la (ke lapè ak benediksyon Allah sou li) te chita sou li. Pwofèt la te voye chache yon fanm nan branch fanmi Ansari yo, Sahl te bay non fanm nan—li te di li: 'Di ti gason bòs chapant ou a poul fè yon chèz (ak bwa) poum chita sou li lè map pale ak moun yo.' Fanm nan te bay lòd, e bòs la te fè li ak bwa tarfa (tamaris) ki soti nan forè a. Li te pote li, epi fanm nan te voye chache Pwofèt la. Li te bay lòd pou yo metel la a. Aprèsa, mwen te wè Pwofèt la (ke lapè ak benediksyon Allah sou li) te fè lapriyè sou li. Li te di 'Allahu Akbar' pandan li te sou li, li te fè roukou pandan li te sou li, epi li te desann pa dèyè pou lal fè soujoud (pwosternasyon) nan pye minbar a, aprèsa li te retounen monte. Lèl te fini, li te vire gade moun yo epi li di: 'O nou menm moun yo, mwen te fè sa sèlman pou nou ka swiv mwen epi pou nou aprann kijan mwen lapriyè.'
Sahih Tout moun tonbe dakò sou li
التصنيف الشرعيصفة الصلاة، أحكام الإمام والمأموم، أحكام المساجدموضوعات الحديثأحكام المساجد غير الحرمين، أحكام المسجد النبوي، صفة الصلاة
Soti nan Humran, sèvitè Ousmane bin Affan, li te wè Ousmane bin Affan te mande dlo pou fè woudou. Li vide dlo sou men li sot nan veso a, li lave yo 3 fwa. Aprèsa , li mete men dwat li nan dlo a, li rense bouch li, li aspire dlo nan nen li epil mouche li. Aprèsa , li lave figil 3 fwa, li lave men li jiska koud yo 3 fwa, li pase men mouye sou tèt li, epi li lave chak pyel 3 fwa. Aprèsa, li di: 'Mwen te wè Pwofèt la (lapè ak benediksyon Allah sou li) fè woudou menm jan mwen fèl la, epi li te di: Nenpòt moun ki fè woudou menm jan avèm , epi li fè 2 rakat lapriyè san li pa kite lespril bay tèt li lòt panse, Allah ap padonnel tout pechel te fè anvan sa.
Sahih Tout moun tonbe dakò sou li
التصنيف الشرعيفضل الوضوء، صفة الوضوءموضوعات الحديثأحكام الوضوء، صلاة التطوع
« Si Muezzin nan di: "Allahu Akbar, Allahu Akbar" (Allah se pi gran an, Allah se pi gran an), epi youn nan nou repete: "Allahu Akbar, Allahu Akbar".
Lèl di: "Ash-hadu an la ilaha illa Allah" (Mwen temwanye ke pa gen lòt dye eksepte Allah), moun nan reponn: "Ash-hadu an la ilaha illa Allah".
Lèl di: "Ash-hadu anna Muhammadan Rasoul Allah" (Mwen temwanye ke Muhammad se mesaje Allah a), moun nan reponn: "Ash-hadu anna Muhammadan Rasoul Allah".
Lèl di: "Hayya 'alas-salah" (Vini pou lapriyè), moun nan reponn: "La hawla wa la quwwata illa billah" (Pa gen okenn chanjman ak okenn fòs eksepte nan Allah).
Lèl di: "Hayya 'alal-falah" (Vini pou siksè), moun nan reponn: "La hawla wa la quwwata illa billah".
Lèl di: "Allahu Akbar, Allahu Akbar" (Allah se pi gran an, Allah se pi gran an), moun nan reponn: "Allahu Akbar, Allahu Akbar".
Lèl di: "La ilaha illa Allah" (Pa gen okenn dye eksepte Allah), moun nan reponn: "La ilaha illa Allah" ak senserite nan kè li, moun sa a ap antre nan Paradi a. »
Sahih Rapòte pa Mouslim
التصنيف الشرعيفضل الذكر، الأذان والإقامةموضوعات الحديثالذِّكْر، أحكام الأذان والإقامة
Mesaje Allah a (ke lapè ak benediksyon Allah sou li) te fè yon prèch pou pèp la jou konkèt Lamèk la epi li te di: «O nou menm lèzòm! Allah retire nan mitan nou lògèy ak vante tèt ki te gen nan tan linyorans lan , kote moun yo tap vante tèt yo poutèt zansèt yo. Moun sou latè divize an 2 kategori sèlman: yon moun ki fè sa ki byen, ki gen krentif pou Allah epi ki gen anpil valè devan senyè toupwisan an ; ak yon moun ki mechan, ki malere (nan nanm li) epi ki san valè devan Allah .Tout moun se pitit Adan yo ye, epi Allah te kreye Adan ak pousyè. Senyè toupwisan an di: {O nou menm lèzòm! Nou te kreye nou soti nan yon sèl gason ak yon sèl fi, epi Nou te fè nou tounen divès pèp ak divès tribi pou nou ka fè konesans youn ak lòt. Anverite, moun ki pi nòb (ki gen plis valè) nan mitan nou devan Allah, se moun ki gen plis krentif pou Li. Anverite, Allah konn tout bagay, epi li konnen sa kap pase nèt ale.} [Al-Hujurat: 13]».
Sahih Rapòte pa At-Tirmidhi ak Ibn Hibban
التصنيف الشرعيالمجتمع المسلم، فضائل أعمال القلوب، الأخلاق الذميمة، خصائص الإسلام وفضله ومحاسنه، حقوق الإنسان في الإسلام، تفسير الآياتموضوعات الحديثالكبائر والمحرمات، التواضع، القرآن وعلومه، التقوى، الكبرمحاور التعريف بالإسلاممحاسن الأخلاق، عدل الإسلام
Mesaje Allah a (ke lapè ak benediksyon Allah sou li) te aprann nou Khutbat al-Hajah (diskou pou mande èd Allah):
Tout lwanj se pou Allah. Nou mande Li èd epi nou mande Li padon. Nou chache pwoteksyon nan men Li kont mechanste ki nan pwòp tèt nou. Moun Allah gide, pèsonn pa ka pèdi li; epi moun Li kite pèdi, pèsonn pa ka gide li. Mwen temwaye pa gen okenn lòt dye ki merite adorasyon esepte Allah, epi mwen temwaye Muhammad se sèvitè Li ak Mesaje Li.
{O nou menm lèzòm! Krenn Mèt nou an, Li menm ki te kreye nou soti nan yon sèl moun (nanm), ki te kreye madanm li soti nan li menm tou, epi ki te fè anpil gason ak fanm soti nan yo 2 a pou gaye sou tè a. Krenn Allah, Li menm nou sèvi ak non Li pou nou fè demann yonn bay lòt, epi respekte lyen fanmi yo. Paske tout bon, Allah ap veye sou nou chak deprè.} [Sourat An-Nisa: 1]
{O nou menm ki kwè! Krenn Allah jan nou dwe krenn Li a tout bon vre, epi pa kite lanmò pran nou si se pa nan eta Mizilman (moun ki soumèt nèt devan Li).} [Sourat Ali 'Imran: 102]
{O nou menm ki kwè! Krenn Allah epi toujou pale pawòl ki dwat (ki verite). Lè konsa, Li va fè aksyon nou yo vin bon, epi lap padonnen peche nou yo. Nenpòt moun ki obeyi Allah ak Mesaje Li a, se sèten li ranpòte yon gwo siksè.} [Sourat Al-Ahzab: 70-71]
Sahih Rapòte pa Abou Dawoud, At-Tirmidhi, An-Nasa'i, Ibn Majah ak Ahmad.
التصنيف الشرعيالأدعية المأثورة، أحكام خطبة وصلاة الجمعة، أحكام وشروط النكاحموضوعات الحديثالذِّكْر، أحكام الأسرة، التقوى، صلاة الجمعة
«Demen, ma bay drapo sa a yon nonm Allah pral bay laviktwa pa mwayen li; li renmen Allah ak Mesaje Li a, epi Allah ak Mesaje Li a renmen l.» Moun yo te pase tout nwit lan ap diskite pou konnen kiyès nan yo ki ta pral resevwal, epi lè maten rive, yo tout te rasanble devan mesaje Allah a (ke lapè ak benediksyon Allah sou li) ak espwa pou yo resevwal, men li mande: «Kote Ali pitit gason Abu Talib la?» Yo reponn li: «O Mesaje Allah zyel ap fèl mal», epi li di: «Voye chèche li»; lè yo mennen li, Mesaje Allah (lapè ak benediksyon sou li) mete yon ti krache nan zyel epi li priye pou li, sa ki te fè Ali geri nèt kòmsi li pat janm gen anyen, epi li remèt li drapo a; lè sa a Ali mande: «O Mesaje Allah , èske mwen dwe konbat yo jiskaske yo vin tankou nou?», Pwofèt la reponn li: «Avanse dousman jiskaske ou rive nan lakou yo, aprè sa envite yo vin nan Islam epi fè yo konnen sa Allah egzije nan men yo kòm devwa; paske, mwen sèmante sou non Allah si Allah ta gide yon sèl moun gras a ou, sa gen plis valè pou ou pase si ou ta posede pi bon kalite chamo wouj yo.»
Sahih Tout moun tonbe dakò sou li
التصنيف الشرعيالصحابة وفضلهم، الطب والتداوي والرقية الشرعية، فضل الدعوة إلى الله وأحكامها، غزواته وسراياه صلى الله عليه وسلم، أحكام ومسائل الجهاد وآدابه، دلائل النبوةموضوعات الحديثالدعوة إلى الله، الصحابة رضي الله عنهممحاور التعريف بالإسلاملا يقبل الله غير دين الإسلام، عدل الإسلام
Pandan nou te chita avèk Pwofèt la (lapè ak benediksyon Allah sou li) nan moske a, yon mesye antre sou yon chamo. Li fè chamo a kouche nan moske a, li mare janm li, epi li di yo: "Kilès nan nou ki Mohammad?" Pwofèt la (lapè ak benediksyon Allah sou li) te chita ap apiye nan mitan yo, nou dil: "Se mesye sa a ki gen koulè blan an, ki chita ap apiye a."
Mesye an di Pwofèt la: "O pitit Abdoul-Mouttalib!" Pwofèt la reponn li: "Mwen tande ou."
Mesye an di Pwofèt la: "Map pozew yon kesyon, map mandew li ak fòs (map ensiste), donk pa fache avèm." Pwofèt la di li: "Poze kesyon sou sa ou vle."
Mesye an di: "Map mandew nan non Granmèt ou a ak Granmèt moun ki te anvan ou yo: Èske se Allah ki voyew bay tout moun?" Pwofèt la reponn: "Wi, mwen fè sèman sou Allah."
Li di: "Map mandew nan non Allah : Èske se Allah ki kòmandew pou nou fè 5 lapriyè yo chak jou ak chak nwit?" Pwofèt la reponn: "Wi, mwen fè sèman sou Allah."
Li di: "Map mande w nan non Allah : Èske se Li ki kòmandew pou nou fè jèn mwa sa a nan ane a?" Pwofèt la reponn: "Wi, mwen fè sèman sou Allah."
Li di: "Map mande ou nan non Allah : Èske se Senyè toupwisan an ki kòmandew pou nou pran zakat sa a nan men moun rich nou yo pou nou pataje li bay pòv nou yo?" Pwofèt la reponn: "Wi, mwen fè sèman sou Allah."
Lè sa a, Mesye a di: "Mwen kwè nan sa ou pote a, epi mwen se yon reprezantan ki soti dèyè pèp mwen an. Mwen se Dimam ibn Tha'labah, yon frè nan branch fanmi Bani Sa'd ibn Bakr."
Sahih Tout moun tonbe dakò sou li
التصنيف الشرعيالدعوة إلى الله، وجوب الصلاة وفضلها وحكم تاركها، وجوب الزكاة وحكم تاركها، وجوب الصيام وحكم تاركه، الإيمان بالله عز وجل، الإيمان بنبينا محمد صلى الله عليه وسلم، الإسلامموضوعات الحديثالزكاة ومكانتها، الصوم الواجب، الدعوة إلى الله، التواضع، حقوق النبي ﷺ، مكانة الصلاة وفضلهامحاور التعريف بالإسلامالتعريف بالنبي محمد صلى الله عليه وسلم، أركان الإسلام