Encyclopedia of Prophetic Hadiths

Mwen te ale jwenn Mesaje Allah a, (se pou lapè ak benediksyon Allah sou li), ansanm ak yon gwoup nan Ash'ari yo, pou nou te mande li bèt pou nou monte. Li te di: «Mwen fè sèman sou Allah, mwen pap ban nou bèt pou nou monte, mwen pa gen anyen poum ban nou pou nou monte.» Aprèsa, nou te tann pandan kantite tan Allah te vle, jiskaske yo te mennen kèk chamo ba li, epi li te bay lòd pou yo ban nou 3 chamo. Lè nou tap pati, kèk nan nou tap di lòt: «Allah pap beni nou. Nou te vin jwenn Mesaje Allah a,( se pou lapè ak benediksyon Allah sou li) , pou nou mandel bèt pou nou monte, li te fè sèman li pap ban nou bèt, epoutan li ban nou yo.» Abu Musa te di: Konsa, nou te retounen jwenn Pwofèt la, (se pou lapè ak benediksyon Allah sou li) epi nou te rakontel sa. Li te di: «Se pa mwen menm ki te ban nou bèt pou nou monte yo, men se Allah ki ban nou yo. Mwen fè sèman sou Allah — si Allah vle — mwen pa janm fè yon sèman epi poum wè gen yon lòt chwa ki pi bon pasel, san mwen pa bay konpansasyon pou ekspiye sèman mwen an, poum chwazi fè sa ki pi bon an.»

« Pami kwayan yo (moun ki gen lafwa yo), sila ki gen lafwa ki pi konplè a, se sila ki gen pi bon konpòtman an, epi pi bon moun nan pami nou, se moun ki pi bon ak madanm yo. »

Pwofèt la (Lapè ak benediksyon Allah sou li) te fè woudou kote li lave chak manm 2 fwa.

«Si yon jou Vandredi ou di kamarad ou: Fè silans, pandan Imam nan ap preche, enben ou pale pou granmesi».

«Lacharite pa diminye richès, epi depi yon sèvitè chwazi padone, pa gen dout nan sa, Allah ap ogmante onèl, epi depi yon moun chwazi bese tèt li (gen imilite) poutèt Allah, pa gen dout nan sa, Allah ap level mete anlè.»

Fè priyè Asr la byen bonè, paske Pwofèt la (salla Allahu alayhi wa sallam) te di: «Moun ki abandone priyè Asr la, tout zèv li yo anile.»

«Lè Allah dekrete pou yon sèvitè mouri sou yon tè, Li fèl gen yon bezwen poul ale ladan li.»

Lè Oum Salama te rakonte Mesaje Allah a (ke lapè ak benediksyon Allah sou li) sou yon legliz li te wè nan peyi Abisini ki te rele "Mariya", li te pale li sou imaj li te wè ladan li yo. Lè sa a, Mesaje Allah a te di: "Sa yo se yon pèp kote lè yon bon sèvitè oswa yon bon nonm mouri nan mitan yo, yo bati yon moske sou tonb li epi yo mete imaj sa yo ladan li. Sa yo se pi move kreyati nan zye Allah."