Encyclopedia of Prophetic Hadiths

Nou te retounen avèk Pwofèt la (se pou lapè ak Benediksyon Allah kouvril) soti Lamèk pou ale Medin, jiskaske nou te rive bò yon dlo sou wout la. Yon gwoup moun te prese lè lè lapriyè 'Asr la te rive, epi yo te fè ablisyon (Woudou) yo byen vit. Lè nou rive kote yo, talon pye yo te parèt aklè san dlo pat touche yo. Pwofèt la (ke lapè ak Benediksyon Allah kouvril) di: «Malè pou talon pye yo anba dife Lanfè a! Akonpli ablisyon an (Woudou a) yon fason ki konplè.»

Soti nan Humran, sèvitè Ousmane bin Affan, li te wè Ousmane bin Affan te mande dlo pou fè woudou. Li vide dlo sou men li sot nan veso a, li lave yo 3 fwa. Aprèsa , li mete men dwat li nan dlo a, li rense bouch li, li aspire dlo nan nen li epil mouche li. Aprèsa , li lave figil 3 fwa, li lave men li jiska koud yo 3 fwa, li pase men mouye sou tèt li, epi li lave chak pyel 3 fwa. Aprèsa, li di: 'Mwen te wè Pwofèt la (lapè ak benediksyon Allah sou li) fè woudou menm jan mwen fèl la, epi li te di: Nenpòt moun ki fè woudou menm jan avèm , epi li fè 2 rakat lapriyè san li pa kite lespril bay tèt li lòt panse, Allah ap padonnel tout pechel te fè anvan sa.

Ibn Al-Zubayr te konn di aprè chak lapriyè, lèl fin bay salitasyon an: 'Pa gen lòt dye eksepte Allah , Li sèl, Li pa gen okenn asosye. Se pou Li tout wayòm nan ak tout lwanj yo, e Li gen pouvwa sou tout bagay. Pa gen okenn chanjman nan kondisyon nou, ni okenn fòs, eksepte pa Allah. Pa gen lòt dye eksepte Allah, e nou pa adore pèsonn lòt pase Li. Se pou Li tout favè, se pou Li tout merit, epi se pou Li tout bèl lwanj yo. Pa gen lòt dye eksepte Allah, nap fè adorasyon an pou Li sèlman, menmsi moun kap nye yo pa renmen sa.' Epi li te di: 'Mesaje Senyè toupwisan an(lapè ak benediksyon Allah sou li) te konn sèvi ak fraz sa yo pou li fè tahlil (di pa gen lòt dye eksepte Allah) aprè chak lapriyè.

"«Siwak la se yon pirifikasyon pou bouch la, yon satisfaksyon pou Seyè a.»"

« Si Muezzin nan di: "Allahu Akbar, Allahu Akbar" (Allah se pi gran an, Allah se pi gran an), epi youn nan nou repete: "Allahu Akbar, Allahu Akbar". Lèl di: "Ash-hadu an la ilaha illa Allah" (Mwen temwanye ke pa gen lòt dye eksepte Allah), moun nan reponn: "Ash-hadu an la ilaha illa Allah". Lèl di: "Ash-hadu anna Muhammadan Rasoul Allah" (Mwen temwanye ke Muhammad se mesaje Allah a), moun nan reponn: "Ash-hadu anna Muhammadan Rasoul Allah". Lèl di: "Hayya 'alas-salah" (Vini pou lapriyè), moun nan reponn: "La hawla wa la quwwata illa billah" (Pa gen okenn chanjman ak okenn fòs eksepte nan Allah). Lèl di: "Hayya 'alal-falah" (Vini pou siksè), moun nan reponn: "La hawla wa la quwwata illa billah". Lèl di: "Allahu Akbar, Allahu Akbar" (Allah se pi gran an, Allah se pi gran an), moun nan reponn: "Allahu Akbar, Allahu Akbar". Lèl di: "La ilaha illa Allah" (Pa gen okenn dye eksepte Allah), moun nan reponn: "La ilaha illa Allah" ak senserite nan kè li, moun sa a ap antre nan Paradi a. »

Oumm Habibah bint Jahsh, ki te marye ak Abd ar-Rahman ibn Awf, te plenyen bay Mesaje Allah a (Se pou lapè ak benediksyon Allah kouvri li) konsènan san an. Lè sa a, li di li: «Rete tann pa priye pandan kantite tan règ ou te konn fè ou rete a (anvan maladi a), aprèsa, benyen (fè Ghusl).» Epi li te konn benyen pou chak lapriyè.

Pwofèt la (Lapè ak benediksyon Allah sou li) te konn lave kò li, oswa li te konn benyen (fè gwo ablisyon), avèk yon Sa' jiska senk Mudd(2 lit edmi rive 3 lit) epi li te konn pran dlo (fè ablisyon) avèk yon Mudd(mwens pase yon lit)

Moun ki fè pelerinaj la (Hajj) pou Allah sèlman, epi pandan lap fèl la li pa di okenn vye pawòl ni li pa komèt okenn peche, lap tounen (lakay li) pwòp san okenn peche, egzakteman menm jan ak jou manman li te fenk fèl la.