Encyclopedia of Prophetic Hadiths

«Premye bagay yo pral jije ant moun yo nan Jou Jijman an, se nan zafè san.»

Mwen te konn ekri tout sam tande nan men Mesaje Allah a poum te ka memorize yo. Men moun Quraysh yo te entèdim sa, epi yo dim: "Èske wap ekri tout saw tande nan men Mesaje Allah a, epoutan Mesaje Allah a se yon moun li ye, ki konn pale lè li fache ak lè li kontan?" Lè sa a, mwen sispann ekri, epi mwen rakonte Mesaje Allah a sa. Li lonje dwèt li sou bouch li, epi li di: «Ekri, paske mwen sèmante sou Sila a ki gen nanm mwen nan menl lan, pa gen anyen ki soti ladanl sinon verite.»

«Jou Jijman an pap rive jouk yon moun pase bò tonb yon lòt moun epi li di: Mwen ta swete se mwen ki te nan plas li.»

«Nenpòt moun ki ajoute nan relijyon nou an yon bagay ki pa ladanl, yap rejte li.»

Li te vin jwenn Pwofèt la (se pou lapè ak Benediksyon Allah kouvri li) epi li di: "Ya Mesaje Allah, anverite Satan vin kanpe ant mwen menm ak lapriyè mwen ansanm ak lekti mwen, lap fèm pèdi twouble ladan yo." Lè sa a, Mesaje Allah (se pou lapè ak Benediksyon Allah kouvri li) te di: «Sa se yon Satan yo rele Khinzab, epi si ou santi li, enben chache pwoteksyon nan men Allah kont li, epi krache sou bò gòch ou 3 fwa.» Li di: Mwen te fè sa, epi Allah te chase li lwen mwen.

Yon mesye te vin jwenn Pwofèt la (kè poze ak benediksyon Allah sou li), epi li di: "O Mesaje Allah, ki 2 bagay ki garanti (Paradi ak Lanfè) yo?" Li reponn: «Moun ki mouri san li pa fè chirk, san li pa mete anyen ansanm ak Allah ; moun sa a ap antre nan Paradi, epi moun ki mouri pandan lap fè chirk, ki mete yon bagay ansanm ak Allah ; moun sa a ap antre nan lanfè.»

Moun ki envite lòt moun nan yon bon chemen, lap jwenn menm rekonpans ak tout moun ki swiv li, san sa pa wete anyen nan rekonpans pa yo; epi moun ki envite lòt moun nan yon move chemen , lap pote menm peche ak tout moun ki swiv li, san sa pa wete anyen nan peche pa yo.

"Moun kap rann bagay yo konplike san rezon , pèdi nèt." Li te di sa 3 fwa."