Encyclopedia of Prophetic Hadiths

Li te avèk Mesaje Allah la (ke lapè ak benediksyon Allah sou li) nan youn nan vwayaj li yo, li te di: Konsa, Mesaje Allah la (ke lapè ak benediksyon Allah sou li) te voye yon mesaje -pandan moun yo te nan plas kote yo tap pase nwit pou yo dòmi an-: «Pa dwe rete okenn kolye ki fèt ak kòd banza oswa okenn lòt kalite kolye nan kou okenn chamo san yo pa koupe li.»

Mwen te di: "O Mesaje Allah! Ibn Judan te konn kenbe lyen fanmi nan epòk pre-islamik (Anvan islam) la (Jahiliyyah), epi li te konn bay pòv yo manje. Èske sa ap itil li?" Li te reponn: "Sa pap itil li, paske li pat janm di yon jou: 'Seyè, padone pechem nan Jou Jijman an.'"

Pwofèt la (lapè ak benediksyon Allah sou li) rapòte pawòl Allah a ki di: "O sèvitèm yo! Mwen entèdi enjistis pou tèt mwen, epi mwen fèl tounen yon bagay ki entèdi ant nou menm tou. Donk, pa fè enjistis youn ak lòt. O sèvitèm yo! Nou tout pèdi, eksepte moun mwen gide a; donk, mandem gidans, map gide nou. O sèvitè m yo! Nou tout grangou, eksepte moun mwen bay manje a; donk, mandem manje, map nouri nou. O sèvitèm yo! Nou tout toutouni, eksepte moun mwen abiye a; donk, mandem rad, map abiye nou. O sèvitèm yo! Nou fè erè lajounen kou lannwit, e mwen menm mwen padone tout peche; donk, mandem padon, map padone nou. O sèvitèm yo! Nou pap janm rive fèm mal pou nou ta blesem, e nou pap janm rive fèm byen pou nou ta potem benefis. O sèvitèm yo! Si premye ak dènye pami nou, moun ak djinn, ta gen kè moun ki pi sen an pami nou, sa pa tap ajoute anyen nan wayòm mwen an. O sèvitèm yo! Si premye ak dènye pami nou, moun ak djinn, ta gen kè moun ki pi mechan an pami nou, sa pa tap retire anyen nan wayòm mwen an. O sèvitèm yo! Si premye ak dènye pami nou, moun ak djinn, te kanpe nan yon menm kote epi yo te mandem, epi mwen te bay chak moun sal mande a, sa pa tap diminye anyen nan sam posede, sof jan yon zegwi diminye lanmè a lè ou plonjel ladan li. O sèvitèm yo! Se sèlman aksyon nou yo map anrejistre pou nou, epi map peye nou konplè pou yo. Donk, nenpòt moun ki jwenn byen, se poul fè lwanj pou Allah ; epi nenpòt moun ki jwenn lòt bagay (sa ki mal), se pou li pa blame pèsonn sof tèt li."

"«Mizilman an, lè yo poze li kesyon nan tonbo a : li temwaye ke pa gen lòt dye ki merite adore Sèlman Allah epi ke Muhammad se mesaje Allah», sa se pawòl Li a : {Allah ap fè moun ki te gen lafwa yo rete fèm ak pawòl ki fèm nan, nan lavi sou latè ak nan lòt lavi a} [Ibrahim: 27]."

"Anverite, aksyon yo depann sou entansyon, epi chak moun ap jwenn sal te gen nan entansyon li. Donk, nenpòt moun ki fè 'hijra' (imigrasyon l) pou Allah e ak Mesaje li a, 'hijra' li a se pou Allah ak Mesaje li a. Men, nenpòt moun ki fè 'hijra' li poul jwenn yon benefis nan mond nan, oswa poul marye ak yon fanm, donk 'hijra' li a se pou sa li te fè 'hijra' a pou li." Nan yon lòt vèsyon (hadis) nan liv Al-Bukhari, li di: "Anverite, aksyon yo depann sou entansyon yo, epi chak moun ap jwenn sal te gen nan entansyon li."

Lè Oum Salama te rakonte Mesaje Allah a (ke lapè ak benediksyon Allah sou li) sou yon legliz li te wè nan peyi Abisini ki te rele "Mariya", li te pale li sou imaj li te wè ladan li yo. Lè sa a, Mesaje Allah a te di: "Sa yo se yon pèp kote lè yon bon sèvitè oswa yon bon nonm mouri nan mitan yo, yo bati yon moske sou tonb li epi yo mete imaj sa yo ladan li. Sa yo se pi move kreyati nan zye Allah."

«Anverite, Allah pwòp (Li bon nèt), epi Li aksepte sèlman sa ki pwòp. Allah bay kwayan yo menm lòd Li te bay Pwofèt yo. Men sa Li te di Pwofèt yo: 'O nou menm Mesaje yo! Manje nan sa ki bon (ki pwòp), epi fè sa ki dwat', Epi Li di kwayan yo tou: 'O nou menm ki kwè! Manje nan sa ki bon nan sa nou ba nou yo.' Aprèsa, Pwofèt la bay egzanp yon vwayajè ki fè yon vwayaj byen lwen, cheve li tou gaye ,li kouvri ak pousyè, epi lap leve 2 bral nan syèl la, lap rele: "O senyè! O senyè!" poutan, manjel se vòlè (haram), bwason li se vòlè, rad sou li se vòlè, epi li grandi nan sa ki mal (haram). Ki jan pou Allah ta fè reponn yon moun konsa?!»

«Egzanp kwayan yo nan jan yo gen renmen, konpasyon, ak fèmte younn pou lòt, se tankou yon sèl kò. Depi yon sèl manm nan kò a ap soufri, tout rès kò a santi doulè a, sa fè tout kò a rete veye epi li pran lafyèv»