Encyclopedia of Prophetic Hadiths

«Si 2 Mizilman rankontre ak nepe(zam ,kouto) yo, moun ki touye a ak moun yo touye a ap nan lanfè», epi mwen te di: O Mesaje Allah, sa se moun ki touye a, men e moun yo touye a? Li te di: «Paske li te detèmine poul touye kamarad li».

Allah, ki beni epi ki anwo nèt la, di: "Mwen se Sila a ki pi endepandan mwen pa bezwen okenn asosye. Nenpòt moun ki fè yon aksyon kote li asosye yon lòt ansanm avè m, Mwen abandone ni li menm, ni chirk li a (sa li asosye avè m nan).

"Pirifikasyon se mwatye lafwa, lwanj pou Allah ranpli balans lan, epi glwa pou Allah pansanm ak lwanj pou Allah ranpli tout espas ki genyen ant syèl la ak tè a. Lapriyè se yon limyè, charite se yon prèv, pasyans se yon klète, epi Koran an se yon agiman ki swa pou ou swa kont ou. Tout moun ap leve chak maten, yo swa yap vann tèt yo pou libere li, swa yap vann tèt yo pou pèd l."

«An verite, Allah pa gade aparans nou ak richès nou, men li gade kè nou ak aksyon nou yo».

«Okenn nan nou pap gen lafwa jiskaske li renmen mwen plis pase papal, pitit li, ak tout moun nèt.»

Sa vrèman bèl epi etonan pou sitiyasyon kwayan an! Tout sa k rive li se yon byen pou li, epi privilèj sa a se sèl kwayan an ki genyen li: Si yon bon bagay rivel, li remèsye Allah epi sa vin yon byen pou li; si yon malè oswa yon eprèv frape li, li pran pasyans, epi sa vin yon byen pou li tou.

Fatima (ki pou Allah satisfè avèk li) te ale kote Pwofèt la (lapè ak benediksyon Allah sou li) poul te plenyen pou jan men lap rache akouraj anba moulen grenn, paske li te aprann yo te mennen prizonye/sèvitè ba li. Men, li pat jwenn li lakay li, se konsa li te eksplike sa bay Aïcha. Lè Pwofèt la te antre, Aïcha te rakontel sa. [Ali] di: « Li te vin jwenn nou pandan nou te gentan nan kabann nou. Nou te fè sa poun leve, men li di: "Rete kote nou ye a." Li pwoche, li vin chita nan mitan mwen menm ak Fatima, jouk mwen te santi jan pye li te frèt sou vant mwen. Aprèsa, li di: "Èske nou vlem montre nou yon bagay ki pi bon pase sa nou te mande a? Lè nou pral kouche nan kabann nou, di Soubhanallah 33 fwa, di Alhamdoulillah 33 fwa, epi di Allahou Akbar 34 fwa. Sa ap pi bon pou nou pase si nou te gen yon sèvant." »

« Yap fè lanmò a parèt sou fòm yon belye mouton ki gen koulè blan ak nwa melanje (gri). Lè sa a, yon moun kap rele pral di: "O nou menm moun ki nan Paradi!" Yap leve tèt yo pou yo gade, epi li pral di: "Èske nou rekonèt sa?" Yap di: "Wi, sa a se lanmò," epi yo tout te deja wè li. Aprèsa , lap rele: "O nou menm moun ki nan Dife!" Yap leve tèt yo pou yo gade, epi li pral di: "Èske nou rekonèt sa?" Yap di: "Wi, sa a se lanmò," epi yo tout te deja wè li. Lè sa a, yap koupe kou lanmò a (yap touye l). Aprèsa , li pral di: "O nou menm moun ki nan Paradi! Se pou toutan, pa gen lanmò ankò. Epi nou menm moun ki nan Dife! Se pou toutan, pa gen lanmò ankò." Aprèsa , li te resite vèsè sa a: "Avèti yo konsènan jou lapenn nan, lè yap fin regle zafè a, pandan yo menm yo nan neglijans" [Surat Maryam: 39]. Epi moun ki nan neglijans sa yo, se moun ki nan mond lan (ki pa kwè) {epi yo pa kwè}. »