Encyclopedia of Prophetic Hadiths

Mesaje Allah la (lapè ak benediksyon Allah sou li) te konn di lè li leve do li soti nan pozisyon 'Ruku' a: «Allah koute sila ki fè lwanj pou li, O Allah, Senyè nou an, tout louwanj se pou ou, ki ranpli syèl yo ak tè a, epi ki ranpli tout sa ou vle aprèsa».

« Mesaje Allah a (lapè ak benediksyon Allah sou li) te anseyem Tashahhud la, pandan men mwen te nan men li, menm jan li te konn anseyem yon sourat nan Koran an: 'Salitasyon yo se pou Allah ,lapriyè yo ak bon pawòl yo. Lapè sou ou, O Pwofèt, ansanm ak pitye ak benediksyon Allah. Lapè sou nou ak sou sèvitè dwat Allah yo. Mwen temwanye pa gen lòt dye eksepte Allah, e mwen temwanye Muhammad se sèvitèl ak mesajel.' Nan yon lòt vèsyon yo, li te ajoute: 'Vreman vre, Allah se As-Salam (Sous lapè a). Kidonk, lè youn nan nou chita nan lapriyè a, se poul di: Salitasyon yo se pou Allah ,lapriyè yo ak bon pawòl yo. Lapè sou ou, O Pwofèt, ansanm ak pitye ak benediksyon Allah . Lapè sou nou ak sou sèvitè dwat Allah yo. Lèl di sa, salitasyon an rive sou chak sèvitè dwat Allah nan syèl la ak sou tè a. Mwen temwanye pa gen lòt dye eksepte Allah , epi mwen temwanye Muhammad se sèvitèl ak mesaje li. Aprèsa li ka chwazi nenpòt sal ta renmen mande Allah»

«Si youn nan nou gen dout nan lapriyè li, epi li pa konnen konbyen Raka li te fè, si li priye 3 oswa 4 rakar se pou li voye dout la jete epi baze li sou sa li sèten an. Aprèsa, se pou li fè 2 pwostènasyon anvan li bay Salam (salitasyon final la). Si li te priye 5 rakat , 2 pwostènasyon sa yo ap rann lapriyè li a pè(egal ) Men, si li te fini konplete 4 rakat yo, yap sèvi kòm yon imilyasyon pou Satan.»

«Piga nou chita sou tonb yo, ni pa lapriyè nan direksyon yo.»

«Nenpòt moun ki di lè li tande Mouwazin(apèl pou lapriyè a) an: Mwen temwaye ke pa gen okenn lòt dye ki merite adorasyon esepte Allah, Li menm sèl, Li pa gen okenn asosye, epi ke Mouhammad se sèvitè Li epi Mesaje Li, mwen satisfè ak Allah kòm Senyè, ak Mouhammad kòm Mesaje, epi ak Islam kòm relijyon, yap padone peche li».

« Lè nou tande apèl la (Azàn nan), di menm sa muezzin an ap di a. »

«Nenpòt moun ki di 'Subhanallah' (Glwa pou Allah ) 33 fwa aprè chak lapriyè, li di 'Alhamdulillah' (Lwanj pou Allah ) 33 fwa, epi li di 'Allahu Akbar' (Allah pi gran) 33 fwa, sa fè katrevendiznèf (99). Epi poul ka rive nan san (100), li di: 'Pa gen okenn lòt dye ki merite adorasyon esepte Allah, Li sèl, Li pa gen asosye. Se pou Li tout pouvwa a ye, se pou Li tout lwanj yo ye, epi Li gen pouvwa sou tout bagay, y ap padonnen peche l yo menm si yo ta tankou kim lanmè.»

Mwen te memorize nan men Pwofèt la (Ke la lapè ak benediksyon Allah sou li) 10 raka: 2 raka anvan salat Dhuhr, epi 2 raka aprè li, epi 2 raka aprè salat Maghrib nan kay li, epi 2 raka aprè salat Isha nan kay li, epi 2 raka anvan salat Soubh. Epi se te yon moman kote moun pat konn antre kote Pwofèt la (Ke la lapè ak benediksyon Allah sou li). Hafsa te rakontem ke lè mouezin nan te rele lapriyè a epi douvanjou kase, li te konn priye 2 raka. Epi nan yon lòt vèsyon: Pwofèt la (Ke la lapè ak benediksyon Allah sou li) te konn priye 2 raka aprè lapriyè Joumou'a a.