Ō nou menm moun yo, mwen te fè sa sèlman pou nou ka swiv mwen epi pou nou aprann kijan mwen lapriyè.

Daprè Abou Hazim bin Dinar:

Gen kèk mesye ki te vin jwenn Sahl ibn Sa’d as-Sa’idi, epi yo te gen yon diskisyon sou ki kalite bwa minbar (chèz kote yo bay sèmon an) te fèt. Yo mandel sou sa, e li di: "Pa Allah, mwen konnen byen ki sa li fèt! Mwen te wèl depi premye jou yo te mete li, e premye jou Pwofèt la (ke lapè ak benediksyon Allah sou li) te chita sou li. Pwofèt la te voye chache yon fanm nan branch fanmi Ansari yo, Sahl te bay non fanm nan—li te di li: 'Di ti gason bòs chapant ou a poul fè yon chèz (ak bwa) poum chita sou li lè map pale ak moun yo.' Fanm nan te bay lòd, e bòs la te fè li ak bwa tarfa (tamaris) ki soti nan forè a. Li te pote li, epi fanm nan te voye chache Pwofèt la. Li te bay lòd pou yo metel la a. Aprèsa, mwen te wè Pwofèt la (ke lapè ak benediksyon Allah sou li) te fè lapriyè sou li. Li te di 'Allahu Akbar' pandan li te sou li, li te fè roukou pandan li te sou li, epi li te desann pa dèyè pou lal fè soujoud (pwosternasyon) nan pye minbar a, aprèsa li te retounen monte. Lèl te fini, li te vire gade moun yo epi li di: 'O nou menm moun yo, mwen te fè sa sèlman pou nou ka swiv mwen epi pou nou aprann kijan mwen lapriyè.'

أَنَّ رِجَالًا أَتَوْا سَهْلَ بْنَ سَعْدٍ السَّاعِدِيَّ، وَقَدِ امْتَرَوْا فِي الْمِنْبَرِ مِمَّ عُودُهُ، فَسَأَلُوهُ عَنْ ذَلِكَ، فَقَالَ: وَاللهِ إِنِّي لَأَعْرِفُ مِمَّا هُوَ، وَلَقَدْ رَأَيْتُهُ أَوَّلَ يَوْمٍ وُضِعَ، وَأَوَّلَ يَوْمٍ جَلَسَ عَلَيْهِ رَسُولُ اللهِ صَلَّى اللهُ عَلَيْهِ وَسَلَّمَ، أَرْسَلَ رَسُولُ اللهِ صَلَّى اللهُ عَلَيْهِ وَسَلَّمَ إِلَى فُلَانَةَ -امْرَأَةٍ من الأنصار قَدْ سَمَّاهَا سَهْلٌ-: «مُرِي غُلَامَكِ النَّجَّارَ أَنْ يَعْمَلَ لِي أَعْوَادًا أَجْلِسُ عَلَيْهِنَّ إِذَا كَلَّمْتُ النَّاسَ»، فَأَمَرَتْهُ فَعَمِلَهَا مِنْ طَرْفَاءِ الْغَابَةِ، ثُمَّ جَاءَ بِهَا، فَأَرْسَلَتْ إِلَى رَسُولِ اللهِ صَلَّى اللهُ عَلَيْهِ وَسَلَّمَ، فَأَمَرَ بِهَا فَوُضِعَتْ هَاهُنَا، ثُمَّ رَأَيْتُ رَسُولَ اللهِ صَلَّى اللهُ عَلَيْهِ وَسَلَّمَ صَلَّى عَلَيْهَا وَكَبَّرَ وَهُوَ عَلَيْهَا، ثُمَّ رَكَعَ وَهُوَ عَلَيْهَا، ثُمَّ نَزَلَ الْقَهْقَرَى، فَسَجَدَ فِي أَصْلِ الْمِنْبَرِ ثُمَّ عَادَ، فَلَمَّا فَرَغَ أَقْبَلَ عَلَى النَّاسِ فَقَالَ: «أَيُّهَا النَّاسُ، إِنَّمَا صَنَعْتُ هَذَا لِتَأْتَمُّوا وَلِتَعَلَّمُوا صَلَاتِي».