Lè mwa Ramadan rive, fè yon Omra (ti pelerinaj), paske fè yon Omra ladan li, se menm valè ak yon hajj (gwo pelerinaj).

Bò kote Ibn Abbas, ke Allah satisfè avèk yo tou 2, li te di:

Mesaje Allah a (ke lapè ak benediksyon Allah kouvri li) te di yon fanm pami Ansar yo - ke Ibn Abbas te site non li, men mwen bliye non an - : «Ki sa ki te anpechew fè hajj la ansanm ak nou?» Li reponn: «Nou te genyen sèlman 2 chamo pou bwote dlo; papa pitit li a ak pitit gason li an te sèvi ak yon chamo pou yo ale fè hajj la, epi li te kite lòt chamo a pou nou pou nou te ka bwote dlo.» Lè sa a, li di: «Lè mwa Ramadan an rive, fè Oumra, paske vrèman, yon Oumra ladan li vo yon Hajj.»

قَالَ رَسُولُ اللهِ صَلَّى اللهُ عَلَيْهِ وَسَلَّمَ لِامْرَأَةٍ مِنَ الْأَنْصَارِ سَمَّاهَا ابْنُ عَبَّاسٍ فَنَسِيتُ اسْمَهَا: «مَا مَنَعَكِ أَنْ تَحُجِّي مَعَنَا؟» قَالَتْ: لَمْ يَكُنْ لَنَا إِلَّا نَاضِحَانِ فَحَجَّ أَبُو وَلَدِهَا وَابْنُهَا عَلَى نَاضِحٍ وَتَرَكَ لَنَا نَاضِحًا نَنْضِحُ عَلَيْهِ، قَالَ: «فَإِذَا جَاءَ رَمَضَانُ فَاعْتَمِرِي، فَإِنَّ عُمْرَةً فِيهِ تَعْدِلُ حَجَّةً».