Encyclopedia of Prophetic Hadiths

<< ni mɔgɔ min nana aw ma k'a sɔrɔ aw bɛnnen cɛ kelen ka màra kɔnɔ, a bɛ fɛn k'aw fàra, k'aw ka faraɲɔgɔnkan cɛn, aw y'a fàga >>.

<< yaa ne tìgi, ni mɔgɔ min bilala ne mànto ka koɲɛ dɔ kuna k'a ye gɛlɛya la see u ma, gɛlɛya kɛ o kan, ni mɔgɔ min bilala ne mànto ka koɲɛ dɔ kuna k'a ye nɔgɔya la see u ma, nɔgɔya k'o ye >>.

Anw ye an kan di kira ma nɛɛma ni kisi b'a ye lamɛnni n'a kumakan bàtoli la nɔgɔya ni gɛlɛya tuma la, ani fàrifoni ni kɔnni, ani a fusayali la an kan, ani k'an tɛ ɲɛmɔgɔ kɛlɛ, ani an bɛ tuɲa fɔ an bɛ yɔrɔ wo yɔrɔ, an tɛ an jà gɛlɛya Ala la jalakilibaa ka jalakili ɲɛ.

<< diinɛ ye kɔnɔnanjɛya ye >> anw ko: jɔn ye? A ko: << Ala ye an'a ka gafe n'a ka ciden ni silamɛw ka ɲɛmɔgɔ ani silamɛ bɛɛ >>.

<< jɔn foyi tɛ yen ko Ala bɛ màrafɛn don a ka màrakɔnɔ, a bɛ faatu a faatu don na k'a sɔrɔ a y'u suyɛn, fo Ala ka alijana haramuya a kan >>.

A ka kan hadamaden ka sarakati bɔ a kolotuguda kelen kelenna bɛɛ ye, wa tile bɔ-o-bɔ n’i tilenna mɔgɔ fila ni ɲɔgɔn cɛ, o fana ye saraka ye, ka mɔgɔ dɛmɛ ka yɛlɛn bagan bala(sanfɛ) o fana ye saraka ye, walima k’a ka bololaminɛ d’a ma, a yɛlɛlen kɔ; o fana ye saraka ye, kuma ɲuman fɔ, o fana ye saraka ye, sen tako kelen-o-kelen ka taa misiri la, o fana ye saraka ye, ani ka mɔgɔo tɔɔrɔ fɛn ta ka bɔ sira kan, o fana ye saraka ye.

Cɛ dɔ dɔn na misiri kɔnɔ k'a to a ka ɲɔgɔmɛ kan o y'a sɔrɔ anw sigilen bɛ kira kɛrɛfɛ nɛɛma ni kisi b'a ye, a ye ɲɔgɔmɛ bùgun misiri kɔnɔ k'a sìri, o kɔfɛ a ko u ma: jɔn ye kira Mamadu ye? O y'a sɔrɔ kira sɛmɛnen bɛ a kɔ kan, anw k'a ma: ni cɛjɛman min sɛmɛnen bɛ. Cɛ ko kira ma: yaa abuduli mutalibi den kira ko a ma << naamu >> kisi b'a ye. Cɛ ko kira ma: ne b'i ɲininka ni ɲininkali n na k'a gɛlɛya, ka na dimi n kɔrɔ? Kira ko: << ɲininkali kɛ min y'i diya >>: a ko n b'i ma n'i tìgi ye ani minnu kɔnna i ɲɛ olu tìgi, yali Ala de y'e ci ka taa mɔgɔw bɛɛ ma wa? Kira ko<< awɔ >> a ko kira n bɛ i ma ni Ala ye, yali Ala de y'i yamaruya an ka seli waati duuru n seli sú ni tile kɔnɔ wa? Kira ko << a wɔ >> a ko n b'i ma ni Ala ye, yali Ala de y'i yamaruya an ka ni kalon n sún sankɔnɔ wa? Kira ko << awɔ >>. a ko n b'i ma ni Ala ye, yali Ala de y'i yamaruya ka jaka n minɛ an ka faamaw la k'a di an ka fàntaw ma wa? Kira ko nɛɛma ni kisi b'a ye << awɔ >> cɛ ko: n limaniya la i nà na ni min ye, wa ne bɛ kɛ ciden ye k'a lase n ka jamakuluw ma, ne de ye saalabata damamu ye Bakari den saadi balimakɛ.

<< ni mɔgɔ min bɔra kumakan labàtoli kɔnɔ ɲɛmɔgɔ kɔ, ka fara ka bɔ jàma la o kɔfɛ a fatura o kan, o fatura kodɔnbaliya dùngew ka fatucogo kan, ni mɔgɔ min ye kɛlɛ kɛ fiyɛntɔya jɔnjɔn kɔrɔ, a bɛ dimi dɔ kama, a bɛ weeleli kɛ ni kɛlɛ ye ka taa dɔ ma, wali ka taa dɔ dɛmɛ, n'a fatura o kan, a fatura kodɔnbaliya dùngew ka fatucogo kan, ni mɔgɔ min bɔra nìn mànton n kama, k'a ɲumankɛla n'a cɛnnikɛla bɛɛ gòsi ɲɔgɔn fɛ, a tɛ siran a limaniyajɔn fàgali kɔ la, wa a tɛ kàlifadunge ka kàlifa matarafa, o tɛ ne dɔ ye wa ne tɛ o dɔ ye>>.