"አንዳችሁ ወደ መቀመጫ ስፍራ የደረሰ ጊዜ ሰላምታን ያቅርብ፤ ከመቀመጫ ስፍራ መነሳት የፈለገም ጊዜ ሰላምታን ያቅርብ። መጀመሪያ ያቀረበው ሰላምታ መጨረሻ ላይ ከሚያቀርበው ሰላምታ የበለጠ አይደለም።"

ከአቡ ሁረይራ ረዲየላሁ ዐንሁ -አላህ መልካም ሥራቸውን ይውደድላቸውና - እንደተላለፈው እንዲህ ብለዋል፦ «የአላህ መልዕክተኛ ሶለሏሁ ዐለይሂ ወሰለም -የአላህ ሶላትና ሰላም በእርሳቸው ላይ ይስፈንና- እንዲህ ብለዋል፡

"አንዳችሁ ወደ መቀመጫ ስፍራ የደረሰ ጊዜ ሰላምታን ያቅርብ፤ ከመቀመጫ ስፍራ መነሳት የፈለገም ጊዜ ሰላምታን ያቅርብ። መጀመሪያ ያቀረበው ሰላምታ መጨረሻ ላይ ከሚያቀርበው ሰላምታ የበለጠ አይደለም።"

«إِذَا انْتَهَى أَحَدُكُمْ إِلَى الْمَجْلِسِ فَلْيُسَلِّمْ، فَإِذَا أَرَادَ أَنْ يَقُومَ فَلْيُسَلِّمْ، فَلَيْسَتِ الْأُولَى بِأَحَقَّ مِنَ الْآخِرَةِ».

አቡዳውድ፣ ቲርሚዚ፣ ነሳኢ በኩብራ፣ አሕመድ ዘግበውታል።
ሐሰን ነው።
ማብራሪያ

ነቢዩ ሶለሏሁ ዐለይሂ ወሰለም -የአላህ ሶላትና ሰላም በእርሳቸው ላይ ይስፈንና- ሰዎች ወደ ተቀማመጡበት ስፍራ የመጣ ሰው ሰላምታ እንዲያቀርብና መነሳትም የፈለገ ጊዜ የተቀማመጡትን ሰዎች በድጋሚ ሰላምታ እንዲያቀርብላቸው ጠቆሙ። በሚመጣበት ወቅት (ሲቀላቀላቸው) ያቀረበው የመጀመሪያው ሰላምታ በሚለያይበት ወቅት (ሲሰናበታቸው) ከሚያቀርበው የመጨረሻ ሰላምታ የበለጠ የሚያደርገው ነገር እንደሌለ ተናገሩ።

ከሐዲሡ የሚቀሰሙ ቁምነገሮች

ሰላምታን በማሰራጨት ላይ መነሳሳቱን እንረዳለን።

በምንገናኝበትም ሆነ በምንለያይበት ወቅት የተቀማመጥናቸው ሰዎች ላይ ሰላምታ በማቅረብ መነሳሳቱን እንረዳለን።

ሲንዲይ እንዲህ ብለዋል: "(… መነሳት በፈለገ ጊዜ …) ማለታቸው ከተቀመጠበት ስፍራ ማለታቸው ነው። (… የመጀመሪያው ሰላምታ የተሻለ አይደለም።) ማለታቸው ሁለቱንም ባጠቃላይ መተግበር የተረጋገጠ ሱና ነው። የመጀመሪያውን ከመፈፀም ጋር ሁለተኛው የሚተውበት ምንም ምክንያት የለም ለማለት ነው።"

ማጣቀሻዎች

ሱነን አቡዳውድ (7/ 500) (5208).

ሱነን ቲርሚዚ (4/ 432) (2706).

አስሱነኑል ኩብራ ነሳኢ (9/ 144) (10129).

ሙስነድ አሕመድ (12/ 47) (7142).

ተጨማሪ (8)

كنوز رياض الصالحين.

لمجموعة من الباحثين (11/ 360).

بهجة الناظرين شرح رياض الصالحين.

لسليم الهلالي (2/ 142).

تطريز رياض الصالحين.

لفيصل آل مبارك (ص523).

نزهة المتقين شرح رياض الصالحين.

لمجموعة من الباحثين (1/ 672).

4 መጻሕፍት
ተጨማሪ (4)
ሁሉም ካርዶች