Encyclopedia of Prophetic Hadiths

"aw nit duñu toog ci ab jotaay te tudduñu fa Yàlla te julliwuñu ci seenub Yonnente lu dul ne dana nekk ag réccu ci seen kaw, bu ko soobee mu mbugal leen bu ko soobee mu jéggal leen".

"ki nay dëgg mooy ki ñu ma tudd fi moom te julliwul ci man".

Ba ko Yonnente bi yal na ko Yàlla dolli xéewal ak mucc yónnee Yaman da ko a digal mu jël ci Nag fanweer yu nekk wenn nag wu am at wu góor walla wu jigéen, ak ci ñent-fukk yu nekk wenn nag wu am ñaari at, ak ci ñoñ-téere buy aji-gént -maanaam di gént di sëy- ab Diinaar walla lu toll ni moom ci Mahaafir, ay yére la yu nekk Yaman.

"Allaahuma innii ahuusu bika min xalati addayni, wa xalabati alhaduwwi, wa samaati al-ahdaa".

Yónente Yàlla bi -yal na ko Yàlla dolli xéewal ak mucc- xamal na ñu xutbag aajo: cant ñeel na Yàlla, ñoo ngi koy dimbandikoo, di ko jéggalu, di muslu ci moom ci ayu sunu bakkan, ku Yàlla gindi kenn manu koo sànk, ku Yàlla sànk kenn manukoo gindi, maa ngi seede ne amul kenn ku ñu war a jaamu ku dul Yàlla, tey seede ne Muhammat jaamam la Yónenteem la, {éey yéen nit ñi ragal leen séen Boroom mi leen bind ci benn bakkan bind ca it jabaram, tasaare si ñoom ñaar ay góor yu bari ak i jigéen, nangeen ragal Yàlla mi nga xam ne ci moom ngeen di laajante, te ragal ag meen, Yàlla moo ngi leen di fuglu}[An-Nisaa: 1], {éey yéen ñi gëm nangeen ragal séen Boroom dëgg-dëggi ragal te buleen dee lu dul ne ay jullit ngeen} [Aali-Imraan: 102], {éey yéen ñi gëm nangeen ragal Yàlla tey wax wax ju jub(70) kon dana yéwénal séen i jëf jéggal leen séen i bàkkaar, ku topp Yàlla ak ub Yónenteem texe na texe gu màgg} [Al-Ahsaab: 70-71].

Yonnente bi -yal na ko Yàlla dolli xéewal ak mucc- daan na wax ci diggante ñaari sujjóot yi: «Rabbi ixfir lii, Rabbi ixfir lii».

Ñëw naa ci Yonente bi yal na ko Yàlla dolli xéewal ak mucc ànd ak ay jigéen ci waa Ansaar ngir jaayante ak moom, nu ne ko: yaw Yonente Yàlla bi, noo ngi jaayante ak yaw ci ne dunu bokkaale Yàlla ak dara, te dunu sàcc, dunu njaalo, te dunu Sos aw duur ci sunu diggante loxo yi ak tànk yi, te dunu la moy ci njekk, mu wax ne: "ci lu ngeen man, te àttan ko" nee na: nu ne: Yàlla ak ub Yónenteem moo nu gën a yërëm, kaay nu jaayante ak yaw, yaw Yonente Yàlla bi, Yonnente bi daal di wax ne: "man duma jox loxo jigéen ñi, waaye li may wax téeméeri jigéen mooy li ma wax genn jigéen, walla moo ngi mel ni li ma wax genn jigéen".

jenn waay laaj na Yonnente Yàlla bi yal na ko Yàlla dolli xéewal ak mucc, ne ko: yaw Yonnente Yàlla bi, nun danuy dugg ci géej gi, di yor tuuti ndox, bu nu ci jàppee daal di mar, ndax nu jàppu ci ndoxum géej gi? Yonnente Yàlla bi yal na ko Yàlla dolli xéewal ak mucc ne ko: «moom am ndoxam lu laab la , am méddam it lu dagan la».