Encyclopedia of Prophetic Hadiths

«ku Yàlla nàmm ci moom aw yiw dana ko dégg-loo diine, man nag ab séddalekat kepp laa, waaye Yàlla mooy joxe, te xeet wii du deñ di taxaw ci mbiri Yàlla, ku wuute ak ñoom it du leen lor, ba baa mbiri Yàlla di ñëw».

"deeleen gaawal néew bi, ndax bu dee ku baax la ci yiw ngeen ko jëme, bu dee du loolu nag, kon aw ay la wu ngeen teg ci seen doq yi".

Laaj nañu Anas naka la njàngum Yonnente bi yal na ko Yàlla dolli xéewal ak mucc meloon? Mu ne: "njàngam mo da ko doon tàllal", topp mu jàng: {bismil Laahi Ar-Rahmaani Ar-Rahiimi} [Al-Faatiha: 1] di tàllal Bismil Laahi gu, di tàllal Ar-Rahmaani gi, di tàllal it Ar-Rahiimi gi.

"moytandikuleen di jaxasoo ak jigéen ñi" jenn waay ci Ansaar yi ne ko: yaw Yonnente Yàlla bi, noo gise goro? Mu ne ko: "goro moo dee faf".

Moom daana kàbbar ci bépp jullig farata ak bu dul moom, ci koor ak bu dul koor, bu dee jug kàbbar, bu dee rukoo kàbbar, daal di wax: samihal Laahu liman hamidahu, daal di wax it: Rabbanaa wa lakal hamdu, bala moo sujjóot, bu dee rot jëm ci sujjóot ba daal di kàbbar, buy yëkkati boppam ci sujjóot daal di kàbbar, bu dee jug ci toogaayu ñaari ràkka yi daal di kàbbar, loolu lay def ci ràkka yépp, ba julli gi jeex, ba mu wëlbatikoo daal di wax ne: giñ naa ci ki sama bakkan nekk ci loxoom, maa leen gën a niroole jullig Yonnente bi -yal na ko Yàlla dolli xéewal ak mucc- ndax nii la daan jullee ba ni mu tàqalikoo ak àdduna.

«bu kenn ci yéen laal sakaraam ci ndayjooram fekk ma ngay saw, te bu demee duus ba noppi bu mu fompoo ndayjooram, te bu mu noyyi ci ndab li».

Moom dafa indi ci Yonnente Yàlla bi yal na ko Yàlla dolli xéewal ak mucc doomam ju góor ju ndaw ju lekkagul, Yonnente Yàlla bi yal na ko Yàlla dolli xéewal ak mucc toogal ko ci poojam, mu saw ci yéreem yi, mu laaj am ndox daal di ko cay wis te raxasu ko.

«saa du taxaw lu dul ne nit dana romb ci bàmmeelu benn waay naan: aka neexoon ma nekk palaasam».