Encyclopedia of Prophetic Hadiths

"buleen sàkku xam-xam ngir di ci puukarewu ak woroom xam-xam yi, walla ngir di ci werente ak way-dese ñi, walla ngir am ci wàccuwaay ca jotaay ya, képp ku def loolu, sawara la jëm, sawara la jëm".

"Àdduna de luñu rëbb la, rëbb it li ci biiram, ba mu des tudd Yàlla ak lu ko niru ak boroom xam-xam walla kiy sàkku xam-xam".

«Yàlla dina musal nit ci samaw xeet ci kanamu mbindéef yépp ëllëg bis-pénc, mu génneel ko juróom ñeent fukk ak juróom ñeenti téere, téere bune dana toll fa gisu bët yam, ñu ne ko: Ndax dagay weddi dara ci lii ? Ndax samay bindkat dañu laa tooñ ? Mu ne ko: Déedéet yaw Boroom bi. Mu ne ko: ndax kon am nga ngànt ? Mu ne ko: Déedéet yaw Boroom bi, Mu ne ko: ahakay, am nga fi nun aw yiw, te fii tay kenn du la fi tooñ, ñu génne ag kayit gog la ca nekk mooy: Seede naa ne amul kenn ku ñu war a jaamu ku dul Yàlla, Maa ngi seede ni Mohammat jaamam la di Yónenteem. Ñu ne ko: indil sa màndaxekaay, muy wax naan: ay sama Boroom lu kayit wii di jariñ ci wetu téere yii ? Ñu ne ko: kenn du la fi tooñ, nee na: ñu teg téere yi ci genn wàll, teg kayit wi ci geneen wàll, téere yi tasaaro, kayit wa daal di diis nit téere ya, dara du diis ci wetu turu Yàlla».

"ku xëy ci yéen di ku am jàmm ci yaramam, am kóolute ci bakkanam, am dundug bisam,, dafa mel ni jox nañu ko àdduna".

"deesul loru waaye deesul lore".

Nekkoon nanu ak Yonnente bi yal na ko Yàlla dolli xéewal ak mucc nu nekk ay xale yuy bëgg a mat, nu jang ngëm laata nuy jàng alxuraan, topp nu jàng alxuraan, nu dollikoo ca ag ngëm.

"ku bàyyi ñatti àjjuma ngir woyofal ko Yàlla dana tàppe xolam".

Yonnente bi yal na ko Yàlla dolli xéewal ak mucc dafa jël Sooy ci càmmooñam, jël wurus ci ndayjooram, daal di leen yëkkëti ci loxoom, daal di wax ne: "ñaar yii dañoo araam ci sama góori xeet wi, waaye dagan nañu ci jigéen ñi".