Encyclopedia of Prophetic Hadiths

«Yàlla dina musal nit ci samaw xeet ci kanamu mbindéef yépp ëllëg bis-pénc, mu génneel ko juróom ñeent fukk ak juróom ñeenti téere, téere bune dana toll fa gisu bët yam, ñu ne ko: Ndax dagay weddi dara ci lii ? Ndax samay bindkat dañu laa tooñ ? Mu ne ko: Déedéet yaw Boroom bi. Mu ne ko: ndax kon am nga ngànt ? Mu ne ko: Déedéet yaw Boroom bi, Mu ne ko: ahakay, am nga fi nun aw yiw, te fii tay kenn du la fi tooñ, ñu génne ag kayit gog la ca nekk mooy: Seede naa ne amul kenn ku ñu war a jaamu ku dul Yàlla, Maa ngi seede ni Mohammat jaamam la di Yónenteem. Ñu ne ko: indil sa màndaxekaay, muy wax naan: ay sama Boroom lu kayit wii di jariñ ci wetu téere yii ? Ñu ne ko: kenn du la fi tooñ, nee na: ñu teg téere yi ci genn wàll, teg kayit wi ci geneen wàll, téere yi tasaaro, kayit wa daal di diis nit téere ya, dara du diis ci wetu turu Yàlla».

«ab ràmbaajkat du dugg àjjana».

Nekkoon naa ak Yonnente bi -yal na ko Yàlla dolli xéewal ak mucc- cib tukki, ma nar a summi ñaari saŋam yi, mu ne ma: "bàyyileen, dama leen cee dugal ñu di ñu laab" mu masaa ca seen kaw.

«gaay yay Pasar-pasaree alali Yàlla ji ci lu dul dëgg, sawara ñeel na leen keroog bis-pénc».

«moytandikuleen njort; ndaxte njort mooy wax ji gën a nekk aw fen, te buleen di gëstu, buleen di luññutu, buleen di soxorante, buleen di tóngoowante, buleen di bañante, nangeen doon ay mbokk yeen jaami Yàlla yi ».

Nrkkoon nañu ci benn xare jrnn waay ci Muhaajiruun yi dóor ci taat jenn waay ci Ansaar yi, ki bokk ci Ansaar yi ne, maa ngi xettaliku ci yéen Ansaar yi, ki bokk ci Muhaajiruun yi ne: maa ngi xettaliku ci yéen Muhaajiruun yi, Yonnente Yàlla bi yal na ko Yàlla dolli xéewal ak mucc dégg ko daal di ne: "lii lan la?" Ñu ne ko: jenn waay ci Muhaajiruun yi moo dóor ci taat jenn waay ci Ansaar yi, ki bokk ci Ansaar yi ne: maa ngi xettaliku ci yéen Ansaar yi, ki bokk ci Muhaajiruun yi ne maa ngi xettaliku ci yéen Muhaajiruun yi, Yonnente bi yal na ko Yàlla dolli xéewal ak mucc daal di ne: "bàyyileen ko loolu médd la" Jaabir nee na: Ansaar yi bi Yonnente bi yal na ko Yàlla dolli xéewal ak mucc di ñëw Madiina ñoo ëppoon, ginnaaw ga Muhaajiruun yi daal di bari, Abdulla ibn Ubay daal di ne: waaw ndax ñoo ko def, giñ naa ci Yàlla ne bu ñu delloo Madiina ñu tedd ñi danañu fa génnee ñu doyadi ñi, Umar ibn Al-Xattaab yal na ko Yàlla dollee gërëm daal di ne: yaw Yonnente Yàlla bi, bàyyi ma ma dóor doqu naaféq bii, Yonnente bi yal na ko Yàlla dolli xéewal ak mucc ne ko: "bàyyi ko, ndax nit ñi bañ a wax naan Muhammat day ray ay àndadoom".

«jaamu Yàlla ci jamonoy fitna moo ngi mel ni gàddaay jëm ci ma».

"misaalu boroom Alxuraan dafa mel ni boroom giléem gi ñu yeew, bu sàmmontee ak moom dana ko téye, waaye bu ko bàyyee mu dem yoonam".