732 Hadiths

Encyclopedia of Prophetic Hadiths

A trusted digital reference for Islamic content in over 100 languages

Filter results

23 of 732 cards

"ku def dara ba ab gétéñ war ca ñu gaaw koo mbugal ci àdduna, Yàlla moo gën a maanu ba du mbugalaat jaamam bi ca allaaxira, waaye ku def luy waral ab gétéñ Yàlla suturaal ko jéggal ko, Yàlla moo gën a tedd ba du delluwaat ci dara lu mu jéggale woon".

Tane na At-tirmisiy soloo na ko, ak Ibnu Maaja.

«mocc ak takk ay xarnga-fuufa ak noob bokkaale la».

Wér na Abóo Daawuda soloo na ko, ak Ibnu Maaja, ak Ahmat.

"yéen nit ñi, deeleen tasaare nuyóo, di leele ñam, di jokk mbokk, di julli guddi fekk nit ñi a ngi nelaw, kon dangeen dugg àjjana ci jàmm".

Wér na At-tirmisiy soloo na ko, ak Ibnu Maaja, ak Ahmat.

Yaw Yonnente Yàlla bi, yaayu Sahd de dafa faatu, ban sarax moo gën?, mu ne ko: "ndox", nee na: mu gas ab teen, daal di ne: lii ngir yaayu Sahd la.

Hadiis bu rafet la ci mbooleem yoon yi mu jaar Abuu Daawuda ak An-Nasaa-iyyu ak Ibn Maaja ñoo ko soloo

«bu ndox mi nekkee ñaari mbànd kon du téye sobe».

Wér na Abuu Daawuda ak At-Tirmisiyyu ak An-Nasaa-iyyu ak Ibn Maaja ak Ahmad ñoo ko soloo.

«kóllare gi dox ci sunu diggante ak ñoom yéefar yi mooy julli, ku ko bàyyi weddi na».

Wér na At-tirmisiy soloo na ko, ak An-nasaa'iy, ak Ibnu Maaja, ak Ahmat.

Yonnente bi yal na ko Yàlla dolli xéewal ak mucc bu daan génn ci wanag day wax: "Xufraanaka".

Wér na Abóo Daawuda soloo na ko, At-tirmisiy, ak Ibnu Maaja, ak Ahmat.

Yonnente Yàlla bi yal na ko Yàlla dolli xéewal ak mucc rëbb na góor giy sol colug jigéen, ak jigéen giy sol colug góor.

Wér na An-Nasaa-iyyu soloo na ko ci Al-Kubraa ak Ibn Maaja ci maanaam mi ak Ahmad.