Encyclopedia of Prophetic Hadiths

«bu waa àjjana duggee àjjana, Yàlla mu Barkeel mi te kawe day wax ne: ndax bëggeen dara lu ma leen dolli? Ñu ne ko: ndax weexaloo sunu kanam yi? Ndax dugaloo nu àjjana, musal nu ci sawara? Nee na: mu wuññi kiiraay gi, joxeesu leen dara lu nu gën a bëgg ci xool seen Boroom bu màgg bi».

"dees na gaaral fitna ci xol yi mu mel ni ag basaŋ nekk bant-bant, xol bu mu dugg ñi tomb ca tomb bu ñuul, xol bu ko weddi ñu tomb ca tomb bu weex, ba mu mujj nekk ci ñaari xol, bu weex mel ni xeer wu weex te rittax fitna du ko lor fii ak asamaan yi ak Suuf si mi ngi fi, beneen di xol bu ñuul bu rax, mel ni baag bu jeng, du xam lu baax te du bañ lu bon, lu dul lu dëppoo ak bànneexam", Husayfata nee na: ma wax ko ne, sa diggante ak moom benn bunt bu ñu tëj moo ci dox te daana ka toj na, Umar ne ko: mo ndax day toj? Moom bu ñu ko tijji woon sax amaana dees na ko tëjaat, ma ne ko: déedéet dañu koy toj, ma xibaar ko ne bunt boobu de benn waay la bu ñuy ray walla mu dee balaa yàgg te lii du ay njaxas. Abuu Xaalid nee na: ma wax Sahd ne ko: yaw Abuu Maalik, lan mooy ñuul gu rax? Mu wax ne: mooy weex gu tar gu nekk ci biir ñuulaay, nee na: ma ne ko: lan mooy baag bu jeng? Mu ne: mooy bu dëng.

"Àjjana amna ab maarse bu ñuy dem Àjjuma gu ne, ngelaw liy juge bëj-gànnaar daal di upp ñu dal ci seen kanam yi ak seen yére yi, ñu daal di gën a rafet gën a taaru, ñuy dellu ca seen njaboot ya fekk seen rafetaay ak seen taar yokk na, seen njaboot gi ne leen: giñ nanu ci Yàlla ne dangeen a gën a rafet gën a taaru, ñoom itam ñu ne leen: yéen itam giñ nanu ci Yàlla ne dangeen a gën a rafet sunu ginnaaw gën a taaru".

Wax naa : yaw Yónente Yàlla bi, wax ma ci Lislaam wax joo xam ne duma ko laaj kenn ku dul yaw, mu ne ma : "waxal gëm naa Yàlla, te jub kocc".

"ku xëy ci yéen di ku am jàmm ci yaramam, am kóolute ci bakkanam, am dundug bisam,, dafa mel ni jox nañu ko àdduna".

«gaay yay Pasar-pasaree alali Yàlla ji ci lu dul dëgg, sawara ñeel na leen keroog bis-pénc».

"Jëf yi mi ngi aju ci yéene yi, te nit ku nekk la mu yéene rekk lay am, képp ku gàddaay ngir Yàlla ak ub Yonenteem, kooku gàddaayam dina jëm ci Yàlla ak Yonenteem, waaye képp ku gàddaay ngir àdduna jum soxlaa jot walla jigéen ju mu bëgg a takk kon gàddaayam jëm na ca la ko tax a gàddaay".

Laaj naa Yonnente Yàlla bi yal na ko Yàlla dolli xéewal ak mucc xoolug mbetteel mu digal ma ma wëlbati samab gis.