Encyclopedia of Prophetic Hadiths

«Yàlla dana bëgg ci jaam bi bu lekkee aw ñam mu sant ko ca, bu naanee ag naan sant ko ca».

«amul dara lu gën a diis ci màndxem jullit bi ëllëg bis-pénc jikko yu rafet, te Yàlla dafa bañ ku ñaaw i wax ñaaw i jëf».

"amul ñaari jullit yuy daje daal di joxante loxo lu dul ne dees na leen jéggal laata ñuy teqalikoo".

Amna jenn waay ci jamonoy Yonnente bi yal na ko Yàlla dolli xéewal ak mucc mu tudd Abdulla, ñu koy dàkkantale Mbaam, mu daan reeloo Yonnente Yàlla bi yal na ko Yàlla dolli xéewal ak mucc, Yonnente Yàlla bi yal na ko Yàlla dolli xéewal ak mucc dóoroon ko yari yoon, ñu indi ko benn bis mu digle ñu dóor ko, jenn waay ne: Yàlla rëbb ko, ana lan moo gën a bari lu ñu koy indi? Yonnente bi yal na ko Yàlla dolli xéewal ak mucc daal di ne: "buleen ko rëbb, giñ naa ci Yàlla ne xamuma lu dul ne bëgg na Yàlla ak ub Yonnenteem".

"yal na Yàlla leeralal waaju dégg ci man dara mu jottali ko kem na mu ko dégge woon, bariwaana ku ñu jottali mu gën a xam aji-dégg ji".

"Solleen seen yére yu weex yi, ndax moo gën ci seen yére yi, te nangeen ci sàng seen way-faatu yi".

«jullit mooy ki nga xam ne jullit ñi mucc nañu ci làmmiñam ak ci loxoom,gàddaaykat nag mooy ki gàddaay li Yàlla araamal ci moom».

Nekkoon naa ak Yonnente bi -yal na ko Yàlla dolli xéewal ak mucc- cib tukki, ma nar a summi ñaari saŋam yi, mu ne ma: "bàyyileen, dama leen cee dugal ñu di ñu laab" mu masaa ca seen kaw.