732 Hadiths

Encyclopedia of Prophetic Hadiths

A trusted digital reference for Islamic content in over 100 languages

Filter results

62 of 732 cards

Nrkkoon nañu ci benn xare jrnn waay ci Muhaajiruun yi dóor ci taat jenn waay ci Ansaar yi, ki bokk ci Ansaar yi ne, maa ngi xettaliku ci yéen Ansaar yi, ki bokk ci Muhaajiruun yi ne: maa ngi xettaliku ci yéen Muhaajiruun yi, Yonnente Yàlla bi yal na ko Yàlla dolli xéewal ak mucc dégg ko daal di ne: "lii lan la?" Ñu ne ko: jenn waay ci Muhaajiruun yi moo dóor ci taat jenn waay ci Ansaar yi, ki bokk ci Ansaar yi ne: maa ngi xettaliku ci yéen Ansaar yi, ki bokk ci Muhaajiruun yi ne maa ngi xettaliku ci yéen Muhaajiruun yi, Yonnente bi yal na ko Yàlla dolli xéewal ak mucc daal di ne: "bàyyileen ko loolu médd la" Jaabir nee na: Ansaar yi bi Yonnente bi yal na ko Yàlla dolli xéewal ak mucc di ñëw Madiina ñoo ëppoon, ginnaaw ga Muhaajiruun yi daal di bari, Abdulla ibn Ubay daal di ne: waaw ndax ñoo ko def, giñ naa ci Yàlla ne bu ñu delloo Madiina ñu tedd ñi danañu fa génnee ñu doyadi ñi, Umar ibn Al-Xattaab yal na ko Yàlla dollee gërëm daal di ne: yaw Yonnente Yàlla bi, bàyyi ma ma dóor doqu naaféq bii, Yonnente bi yal na ko Yàlla dolli xéewal ak mucc ne ko: "bàyyi ko, ndax nit ñi bañ a wax naan Muhammat day ray ay àndadoom".

Wér na Al-buxaariy ak Muslim dëppoo nañu ci génnee ko ci seen ñaari téere yi gën a wér.

"ku ma fenal te tay ko na waajal ab wàccuwaayam ca sawara".

Wér na Al-buxaariy ak Muslim dëppoo nañu ci génnee ko ci seen ñaari téere yi gën a wér.

«ki gën a mat ug ngëm ci jullit ñi mooy ki ci gën a rafet jikko, te ki gën ci yéen mooy ki gën ci ay jigéenam».

Tane na Abóo Daawuda soloo na ko, At-tirmisiy, ak Ahmat.

Laaj nañu Yónente bi -yal na ko Yàlla dolli xéewal ak mucc- lan mooy li ëpp luy duggal nit ñi àjjana, mu wax ne: «ragal Yàlla ak rafet jikko», ñu laaj ko lan moo ëpp luy duggal nit ñi sawara mu ne: «gémmiñ ak awra».

Tane na ci ag càllala, wér ci geneen càllala At-tirmisiy soloo na ko, ak Ibnu Maaja, ak Ahmat.

"Kenn ci yéen du gëm, ndare mu bëggal mbokkam li mu bëggal boppam"

Wér na Al-buxaariy ak Muslim dëppoo nañu ci génnee ko ci seen ñaari téere yi gën a wér.

Nekkoon a nu ci Umar mu wax ne: "tere nañ nu toggoo lu metti"

Wér na Al-buxaariy soloo na ko.

«Yalla dana néggandiku tooñkat bi, ba bu ko jàppee du ko rëcc» nee na: mu daal di jàng: aaya bii «{niki noonu it la sa jàppug Boroom di deme bu jàppee waa dëkk buy tooñ te ag jàppam lu metti la te tar} [Huud: 102]»

Wér na Al-buxaariy ak Muslim dëppoo nañu ci génnee ko ci seen ñaari téere yi gën a wér.

«Moytuleen tooñ, ndax tooñ ay lëndëm lay doon ëllëg bis-pénc, te ngeen moytu nay, ndaxte nay moo alag ña leen jiitu woon, yóbbe na leen ñu tuur seen i dereet ak a daganal araam».

Wér na Muslim soloo na ko.