732 Hadiths

Encyclopedia of Prophetic Hadiths

Filter results

8 of 732 cards

Clear filters

Categories

All الحديث وعلومه8 أهمية السنة ومكانتها8

Grading

All732 Wér na8

Narrated in

Téere Sunna yi bu Abóo Daawuda4 Téere Muslim bi gën a wér3 Téere Sunna yi bu At-tirmisiy3 Téere Al-buxaariy bi gën a wér2 Téere Sunna yi bu Ibnu Maaja2 Téere Adiisu Ahmat bees leeral càllala ya1

Narrator

عبد الله بن عمرو2 أبو نجيح العرباض بن سارية1 أبو هريرة1 العرباض بن سارية1 المقدام بن معديكرب1 رسول الله صلى الله عليه وسلم أنه قال1 سمرة بن جندب والمغيرة بن شعبة1
Benn bis Yónente bi -yal na ko Yàlla dolli xéewal ak mucc- dafa taxaw fi nun daal di nuy waar waar gu jotale xol yi jàq nañu ci, bët yi tuur ci rangooñ, ñu ne ko : yaw Yónente Yàlla bi, waar nga nu waarug kuy tàggatoo, jox ñu ak kóllare. Mu ne leen : "dénk naa leen ngeen ragal Yàlla ci dégg ak topp, donte jaamub Habasa la, dangeen gis ci sama ginnaaw ag wuute gu tar, waaye nangeen jàpp ci sama Sunna ak sunnay njiit yu jub ya tey jubal, ŋànkleen ko ak seen i dégéj, te ngeen moytandiku mbir yi ñu sos, ndax bidaa yépp ay réer la".
Wér na Abóo Daawuda soloo na ko, At-tirmisiy, ak Ibnu Maaja, ak Ahmat.
Dama doon bind lépp lu ma dégg ci Yonnente Yàlla bi -yal na ko Yàlla dolli xéewal ak mucc- ndax dama koo bëggoon a wattu, Xuraysin tere ma loolu, ñu ne ma: ndax dangay bind lépp loo dégg ci Yonnente Yàlla bi te moom nit la day wax cig mer ak cig gërëm? Ma bàyyee bind, ma wax loolu Yonnente bi -yal na ko Yàlla dolli xéewal ak mucc- mu joxoñ baaraamam ci gémmiñam, daal di ne: «bindal, giñ naa ci ki sama bakkan nekk ci loxoom, dara du ci génn lu dul dëgg».
Wér na Abóo Daawuda soloo na ko.
«mbaa sama Hadiis du yeksi ci nit mu tëdd ag gàngunaayam naan: Diggante nun ak yéen téeréb Yàlla la, kon lépp lu nu ci gis lu dagan dananu ko daganal te lépp lu nu ci gis mu araam, dananu ko araamal, te lu Yónente Yàlla bi -yal na ko Yàlla dolli xéewal ak mucc- araamal, moog lu Yàlla araamal ñoo yam».
Wér na Abóo Daawuda soloo na ko, ak At-tirmisiy, ak Ibnu Maaja.
"ku ma waxal jenn wax te xam ne ay fen la, moom kenn la ci fenkat yi".
Wér na Muslim moo ko soloo ci Muqaddimaam
Maa ngi leen di dénk ragal Yàlla, ak dégg ak topp, donte ab jaam moo leen jiite, képp ku dund ci yéen dana gis wuute gu bari, maa ngi leen di dénk sama sunna si ak sunnay njiit yu jub yi tey jubal, ŋànkleen ci ak séen i dégéj, maa ngi leen di moytandikuloo bir yi ñu sos; ndax bidaa yépp ag cànkute la".
Wér na Abóo Daawuda soloo na ko, ak At-tirmisiy.
«ci sama mujjuw xeet wi dana am ay nit yu leen di wax lu ngeen masuta dégg yéen ak séen i baay, nangeen leen moytu».
Wér na Muslim soloo na ko.
"ku ma fenal te tay ko na waajal ab wàccuwaayam ca sawara".
Wér na Al-buxaariy ak Muslim dëppoo nañu ci génnee ko ci seen ñaari téere yi gën a wér.
«Jottalileen jële ci man donte benn aaya la, ta ngeen waxtaane waa Banuu Israayil ci lu amul benn jafe-jafe, waaye ku ma fenal te tay ko na waajal ab tooguwaayam ca sawara».
Wér na Al-buxaariy soloo na ko.