Аллоҳим, қабримни (ибодат қилинадиган) бир бут ҳолига келтирма!

Абу Ҳурайра разияллоҳу анҳудан ривоят қилинади: «Расулуллоҳ соллаллоҳу алайҳи ва саллам:

«Аллоҳим, қабримни (ибодат қилинадиган) бир бут ҳолига келтирма! Аллоҳ пайғамбарларининг қабрларини масжид қилиб олган қавмни лаънатлади», дедилар».

«اللهم لا تجعل قبري وثنًا، لعن الله قومًا اتخذوا قبور أنبيائهم مساجد».

Аҳмад ривояти
Саҳиҳ
Изоҳ

Расулуллоҳ соллаллоҳу алайҳи ва саллам ушбу ҳадиси шарифда Аллоҳ таолога дуо қилиб, ўз қабрларини одамлар улуғлаб сиғинадиган ва унга қараб сажда қиладиган бут каби қилмаслигини сўрадилар. Сўнгра Пайғамбар соллаллоҳу алайҳи ва саллам Аллоҳ таоло пайғамбарлари қабрини масжид қилиб олган инсонларни Ўз раҳматидан маҳрум қилгани ва узоқлаштирганини хабар бердилар. Чунки қабрларни масжид қилиб олиш, қабрларга ибодат қилишга ва уни жоиз деган эътиқодга олиб барадиган йўлдир.

Сўзларнинг маъноси

وثنًا: والوثن كل ما عبد من دون الله كالقبور والأشجار والحيطان والأحجار ونحوِها.

Ҳадиснинг фойдалари

Пайғамбарлар ва солиҳларнинг қабрларига нисбатан шариат белгилаган ҳаддан ошиш, Аллоҳни қўйиб уларга ибодат қилишга олиб борур. Ширкка олиб борувчи йўллардан эса эҳтиёт бўлиш вожибдир.

Қабрдаги инсон Аллоҳга қанча яқин бўлса ҳам, қабр олдида ибодат қилиш ёки уни улуғлаб зиёрат қилиш жоиз эмас.

Қабрлар устига масжид қуриш ҳаром қилинган ишдир.

Масжид қабр устига қурилмаган бўлса ҳам, қабрлар олдида намоз ўқиш ҳаромдир. Магар жанозаси ўқилмаган маййитнинг жаноза намозини қабрлар олдида ўқиш жоиз.

Манбалар

Муснади Аҳмад (12/ 314) (7358).

Яна... (12)

فتح المجيد شرح كتاب التوحيد.

لعبد الرحمن التميمي (1/ 434).

القول المفيد على كتاب التوحيد.

لمحمد بن عثيمين (1/ 434).

الملخص في شرح كتاب التوحيد.

لصالح الفوزان (ص178).

الجديد في شرح كتاب التوحيد.

لمحمد القرعاوي (ص194).

التمهيد لشرح كتاب التوحيد.

لصالح آل الشيخ (ص51).

مشكاة المصابيح.

للتبريزي (1/ 234).

2 Kitoblar
Яна... (2)
Barcha kartalar