"Kumain kayo ng saḥūr sapagkat tunay na sa saḥūr ay may pagpapala."}

Ang pagsasakaibig-ibig ng pagkain ng saḥūr at pagsunod sa utos na pambatas ng pagsasagawa nito.

Nagsabi si Ibnu Ḥajar sa Fatḥ Al-Bārī: Ang pagpapala sa saḥūr ay natatamo sa sarisaring paraan. Ang mga ito ay ang pagsunod sa Sunnah, ang pagsalungat sa mga may kasulatan, ang pagpapakalakas sa pamamagitan nito sa pagsamba, ang pagkadagdag sa kasiglahan, ang pagtulak sa kasagwaan ng kaasalan na pinupukaw ng gutom, ang pagkakadahilan ng kawanggawa sa sinumang humihingi sa sandaling iyon o nakakasama sa pagkain, ang pagkakadahilan ng pag-alaala [kay Allāh] at pagdalangin sa oras ng malamang na pagtugon, at ang pagkahabol sa paglalayon ng pag-aayuno para sa sinumang nakalingat nito bago matulog.

Ang kagandahan ng pagtuturo ng Propeta (basbasan siya ni Allāh at pangalagaan) yayamang nag-uugnay siya ng kahatulan sa kasanhian upang lumuwag ang dibdib at makilala sa pamamagitan nito ang katayugan ng Batas ng Islām.