“ఏదైనా విషయం గురించి ప్రశ్నించడానికి ఎవరైతే జ్యోతిష్కుని వద్దకు వెళతారో మరియు అతడు చెప్పిన దానిని విశ్వసిస్తారో – నలభై దినముల పాటు అతని నమాజులు స్వీకరించబడవు.”

సోది చెప్పుట, జ్యోస్యము చెప్పుట, జ్యోతిష్కము మొదలైనవి హరాం (నిషేధము), అలాగే అటువంటి వారిని అగోచర విషయాలను గురించి (ఉదా: భవిష్యత్తును గురించి) ప్రశ్నించుట కూడా నిషేధమే.

ఒక వ్యక్తి అవిధేయతకు పాల్బడుట అనేది, అతడు విధేయునిగా ఆచరించిన ఆచరణల ప్రతిఫలము నుంచి అతడిని దూరం చేస్తుంది.

జాతకాలు చూడడం, రాశిఫలాలు చూడడం, హస్తసాముద్రికం, కప్పులో పోసిన కాఫీ పొగలను చూస్తూ భవిష్యత్తు చెప్పడం, అటువంటి వారి దగ్గరకు వెళ్ళడం – అది కేవలం సరదాకే అయినా లేదా ఏమి చెపుతారో చూద్దాం అనే ఆసక్తితో అయినా – ఈ హదీథు పరిధి లోనికే వస్తాయి. ఎందుకంటే ఇవన్నీ అగోచర ఙ్ఞానాన్ని కలిగి ఉండుటను గురించి దావా చేయడం, భవిష్యత్తు గురించి చెప్పడంచెప్పడం మొదలైన వాటిలోని భాగాలే.

జ్యోతిష్కుని దగ్గరకు వెళ్ళినందుకే అల్లాహ్ తరఫున ఇంత ఘోరమైన శిక్ష ఉంటే, మరి అటువంటి జ్యొతిష్కులు, బాబాలు, మొదలైన వారి శిక్షను గురించి ఊహించను కూడా ఊహించలేము.