“నిశ్చయంగా, ఈ లోకంలో ప్రజలను హింసించేవారిని అల్లాహ్ శిక్షిస్తాడు.”
హిషామ్ ఇబ్న్ హకీమ్ ఇబ్న్ హిజామ్ రదియల్లాహు అన్హుమా ఇలా ఉల్లేఖిస్తున్నారు: ఆయన సిరియాలో ఉన్నపుడు, ఒకసారి ఎండలో నిలబెట్టబడిన కొంతమంది నబాటేనియన్లను దాటుకుంటూ వెళ్ళవలసి వచ్చింది. ఆయన అక్కడ ఉన్న వారిని “వారి విషయం ఏమిటి?” అని ప్రశ్నించారు. దానికి వారు: “జిజియా చెల్లించనందుకు వారు నిర్బంధించబడినారు” అని బదులిచ్చినారు. అప్పుడు హిషామ్ రదియల్లాహు అన్హు ఇలా అన్నారు: “నేను సాక్ష్యమిస్తున్నాను, రసూలుల్లాహ్ సల్లల్లాహు అలైహి వసల్లం ఇలా పలుకగా నిశ్చయంగా నేను విన్నాను; ఆయన సల్లల్లాహు అలైహి వసల్లం ఇలా అన్నారు:
“నిశ్చయంగా, ఈ లోకంలో ప్రజలను హింసించేవారిని అల్లాహ్ శిక్షిస్తాడు.”
«إِنَّ اللهَ يُعَذِّبُ الَّذِينَ يُعَذِّبُونَ النَّاسَ فِي الدُّنْيَا».
హిషాం బిన్ హాకిం బిన్ హిజాం రదియల్లాహు అన్హుమా సిరియాలో ఉండగా, ఒకసారి మండుతున్న ఎండలో నిలబడి ఉన్న కొంతమందిని దాటుకుంటూ వెళ్ళినారు. వారిని గురించి ఆయన వాకబు చేసినారు. వారు చెల్లించగలిగిన స్థితిలో ఉన్నప్పటికీ, జిజియా పన్ను చెల్లించనందుకు వారు ఆ మండుతున్న ఎండలో నిలబెట్టబడినారు అని ఆయనకు తెలియజేయడం జరిగింది. అది విని హిషామ్ రదియల్లాహు అన్హు ఇలా అన్నారు: “”నేను సాక్ష్యమిస్తున్నాను, రసూలుల్లాహ్ సల్లల్లాహు అలైహి వసల్లం ఇలా పలుకగా నేను విన్నాను: “నిశ్చయంగా, ఈ లోకంలో ప్రజలను అన్యాయంగా, ఎటువంటి హక్కు లేకుండా హింసించేవారిని అల్లాహ్ శిక్షిస్తాడు.”
అల్ జిజియహ్: అంటే, ఇస్లామిక్ రాజ్యములో నివసిస్తున్న గ్రంథ ప్రజలలో, ధనికులైన మగవారిపై, విధించబడే పన్ను. ఇది వారు ఆ రాజ్యములో నివసిస్తున్నందుకు మరియు వారి రక్షణ కొరకు తీసుకోబడుతుంది.
అవిశ్వాసులనైనా సరే అధర్మముగా, అన్యాయముగా, ఏ కారణమూ లేకుండా ప్రజలను హింసించుట నిషేధము (హరాం).
ఈ హదీథు దౌర్జన్యానికి వ్యతిరేకంగా దౌర్జన్యకారులను హెచ్చరిస్తున్నది.
రసూలుల్లాహ్ సల్లల్లాహు అలైహి వ సల్లం యొక్క సహచరులు, మంచిని ఆజ్ఞాపించడానికి మరియు చెడును నిషేధించడానికి కట్టుబడి ఉన్నారు.
ఇమాం అన్’నవవీ (రహిమహుల్లాహ్) ఇలా అన్నారు: “ఈ హదీథు అధర్మంగా, అన్యాయంగా ఎవరినైనా హింసించడాన్ని ఖండిస్తున్నది. అయితే ధర్మబధ్ధంగా ఎవరినైనా కఠినంగా శిక్షించడం, ఖిసాస్ (ప్రాణానికి బదులుగా ప్రాణం); మరియు షరియత్’లో నిర్థారించబడిన శిక్షలు, అలాగే క్రమశిక్షణ గరుపుట కొరకు విధించబడే శిక్షలు, మొదలైనవి ఇందులోనికి రావు.
సహీహ్ ముస్లిం. (4/ 2018) (2613).
ఇంకా (10)
نزهة المتقين.
لمجموعة من الباحثين (2/ 1103).
كنوز رياض الصالحين.
لمجموعة من الباحثين (19/ 108).
بهجة الناظرين.
لسليم الهلالي (3/ 117).
مرقاة المفاتيح شرح مشكاة المصابيح.
لعلي القاري (6/ 2301).
شرح رياض الصالحين.
لابن عثيمين (6/ 295).