“భూమి సంపాదనలో నిమగ్నులు కాకండి; తద్వారా మీరు ఇహలోక సుఖాల వైపునకు ఆకర్షించబడవచ్చు.”
అబ్దుల్లాహ్ ఇబ్నె మస్’ఊద్ (రదియల్లాహు అన్హు) ఉల్లేఖన: “రసూలుల్లాహ్ (సల్లల్లాహు అలైహి వసల్లం) ఇలా పలికినారు:
“భూమి సంపాదనలో నిమగ్నులు కాకండి; తద్వారా మీరు ఇహలోక సుఖాల వైపునకు ఆకర్షించబడవచ్చు.”
«لاَ تَتَّخِذُوا الضَّيْعَةَ فَتَرْغَبُوا فِي الدُّنْيَا».
ఈ హదీథులో ప్రవక్త (సల్లల్లాహు అలైహి వసల్లం) పొలాలు, పండ్ల తోటలు, వ్యవసాయ భూములు వగైరాలను సంపాదించడాన్ని వారించారు. ఎందుకంటే ఇవి ఇహలోకం పట్ల కోరికకు, మరియు పరలోక జీవితం పై ఇహలోకపు ప్రాధాన్యాలు, కోరికలు పై చేయి కావడానికి కారణమవుతాయి.
ఈ వారింపు ప్రాపంచిక వస్తువులను, అవసరమైనదానికంటే ఎక్కువ సమీకరించడాన్ని, అవసరమైనదానికంటే ఎక్కువగా వాటి వినియోగములో పడిపోవడాన్ని వ్యతిరేకిస్తుంది, ఇది పరలోకం నుండి దృష్టి మరల్చడానికి దారితీస్తుంది.
ఈ హదీథు జీవనోపాధిని సంపాదించుకోవడాన్నివారించదు. ఈ ఇహలోకపు సుఖాలలో మునిగిపోయి పరలోకాన్ని మరిచిపోవడాన్ని వారిస్తున్నది.
అల్ సిందీ (రహిమహుల్లాహ్) ఇలా అన్నారు: దీని అర్థం ఏమిటంటే పొలాలు, పండ్ల తోటలు, వ్యవసాయ భూములు వగైరాలను సంపాదించడంలో మగ్నులైపోకండి. ఎందుకంటే అలా మగ్నులైపోవడం అల్లాహ్ యొక్క స్మరణ నుండి మిమ్ములను దూరం చేస్తుంది.
సునన్ అత్తిర్మిదీ. (4/ 155) (2328).
ముస్నద్ అహ్మద్ (6/ 54) (3579).
ఇంకా (3)
كنوز رياض الصالحين.
لمجموعة من الباحثين (331/7).
شرح رياض الصالحين لابن عثيمين (375/3).