Enciklopedia e Hadithit të Pejgamberit

"Asnjë musliman nuk i lutet Allahut me një lutje që nuk përfshin mëkat apo këputje të lidhjeve farefisnore, veçse Allahu do t’i japë një nga këto tre: ose do t’ia pranojë lutjen shpejt, ose do ta ruajë për të në botën tjetër, ose do t’i largojë prej tij një të keqe të barabartë me të." Të pranishmit thanë: "Atëherë do të lutemi më shumë!" Profeti ﷺ tha: “Allahu është edhe më shumë (i gatshëm për t’ju dhënë)."

Xhibrili erdhi te Profeti ﷺ dhe i tha: “O Muhamed, a je sëmurë?” Ai tha: “Po.” Ai tha: “Me emrin e Allahut të bëj rukje, nga çdo gjë që të dëmton, nga e keqja e çdo shpirti apo syri ziliqar, Allahu të shëroftë, me emrin e Allahut të bëj rukje.”

"I Dërguari i Allahut ﷺ po bënte itikaf në xhami, kur i dëgjoi ata duke lexuar me zë të lartë. Ai e largoi perden dhe tha: "Vini re! Secili prej jush po i lutet Zotit të tij, prandaj mos e shqetësoni njëri-tjetrin dhe mos e ngrini zërin mbi njëri-tjetrin gjatë leximit", - ose tha: "në namaz".