Nuk do të shpëtojë një popull që për udhëheqëse kanë zgjedhur një femër.

Gratë nuk e marrin përsipër udhëheqjen, as gjykimin mes njerëzve, dhe as të ngjashme me to nga kujdestaritë e përgjithshme. Ndërsa për çështjet e veçanta, si kujdestaria e një vakëfi apo e jetimëve, ose drejtimi i një shkolle, e të ngjashme me to, nuk ka pengesë.

Sqarimi i mangësisë dhe dobësisë së gruas, dhe se ajo nuk merr pjesë bashkë me burrin në udhëheqjet e përgjithshme, si dhe fakti që marrja e një pozite të tillë prej saj është shkak për mossukses.

Allahu e ka krijuar femrën dhe i ka dhënë asaj një natyrë që ndryshon nga natyra e mashkullit; pra, ekzistojnë disa gjëra që nuk është e përshtatshme t'i kryejë femra për shkak të natyrës së saj të veçantë, ashtu siç ka edhe gjëra që nuk është e përshtatshme t'i kryejë mashkulli për shkak të natyrës së tij të veçantë.

Shpëtimi i mohuar: është shpëtimi në gjuhën e fesë, që është arritja e të mirave në këtë jetë dhe në jetën tjetër. Lulëzimi i pushtetit nuk do të thotë domosdoshmërisht se populli ka arritur kënaqësinë e Allahut, dhe kush nuk është në bindje ndaj Allahut, nuk është prej të shpëtuarve, edhe nëse në pamje të parë duket se është në gjendjen më të mirë në çështjet e kësaj jete.