Skip to content
70 Hadiths

Encyclopedia of Prophetic Hadiths

Filter results

4 of 70 cards

Clear filters
«Nguva yekuguma haisviki kudzamara zuva rabuda nekumadokero kwaro. Kana rabuda, uye vanhu vakariona, vese zvavo vachatenda. Asi iyoyo ichava nguva yekuti: {kutenda kwemunhu hakuzoubatsiri kana anga asina kutenda kare, kana kuti usina kuita mabasa akanaka mukutenda kwake} [Al-An'ām: 158]. Zvirokwazvo, nguva yekuguma ichasvika varume vaviri vakawarira nguo pakati pavo, asi havazotengeserani kana kuipeta. Uye zvirokwazvo nguva yekuguma ichasvika murume aenda nemukaka wengamera yake yaakama, asi haazounwi. Zvirokwazvo nguva yekuguma ichasvika munhu achigadzira dziva rake remvura, asi haazowana mukana wekupa vanhu mvura kubva mariri. Uye zvirokwazvo nguva yekuguma ichasvika mumwe wenyu asimudza musuva wekudya kuenda kumuromo wake, asi haazoudyi.»
Ndeyechokwadi Yakabvumiranwa naAl-Bukhari naMuslim
التصنيف الشرعيالتوبة، تفسير الآيات، أشراط الساعةموضوعات الحديثالقرآن وعلومه، أشراط الساعة، التوبةمحاور التعريف بالإسلامالمبادرة وعدم التسويف، خطورة الإعراض عن الحق
«Zvirokwazvo, Allah vachanunura mumwe murume kubva muUmmah yangu pamberi pezvisikwa zvose paZuva reRekumutswah, vomuvhurira magwaro makumi mapfumbamwe nemapfumbamwe, gwaro rega rega rakareba kusvika panogumira kuona kweziso. Vachabva vati: 'Pane chaunoramba pane izvi here? Vanyori vangu vanochengetedza vakakuitira hudzvanyiriri here?' Achati: 'Kwete, Tenzi wangu.' Vobva Vati: 'Saka une chikonzero here?' Achati: 'Kwete, Tenzi wangu.' Vobva vati: 'Kwete kudaro, zvechokwadi une chiito chakanaka kwatiri, uye nhasi haumboitirwe hudzvanyiriri.' Kunobva kwabudiswa kapepa kakanyorwa kuti: 'Ndinopupura kuti hakuna akakodzera kunamatwa kunze kwaAllah uye ndinopupura kuti Muhammad muranda wavo neMutumwa wavo.' Vobva vati: 'Unza chikero chako.' Achati: "Tenzi wangu, kapepa aka kane basa rei pakatariswa magwaro ose aya?' Vachati: 'Zvirokwazvo, haumbodzvanyirirwi.' [Mutumwa] akati: 'Zvino magwaro achaiswa mune rimwe divi rechikero, uye kapepa kachiiswa mune rimwe divi. Magwaro achabva areruka uye kapepa korema, nokuti hapana chingaenzana pakurema nezita raAllah.'»
Ndeyechokwadi Yakarondedzerwa naAt-Tirmidhi naIbn Maajah
التصنيف الشرعيفضائل التوحيد، الحياة الآخرةموضوعات الحديثأهمية التوحيد، سعة فضل الله عز وجل، الإيمان باليوم الآخرمحاور التعريف بالإسلامالحساب، النجاة بالدخول في الإسلام
"Allah vakapa mufananidzo wenzira yakatwasuka, uye kumativi maviri enzira kune madziro maviri, maari mune mikova yakavhurika, uye pamikova yacho pane machira akarembera. Panotangira nzira pane mudanidziri anoti: "Imi vanhu, pindai munzira mose, uye musatsauka." Uye kune mumwe mudanidziri anodana ari nechepamusoro penzira, kana munhu achida kuvhura chero upi zvawo wepamikova iyoyo, anoti: "Nhamo kwauri! Usaivhure, nekuti zvirokwazvo kana ukaivhura uchapinda mairi." Nzira iyoyo iIslam, uye madziro maviri aya: miganhu yaAllah, uye mikova yakavhurika: ndizvo zvakarambidzwa naAllah, uye mudanidziri uya ari pakatangira nzira: iBhuku raAllah, uye mudanidziri ari nechepamusoro penzira: muyambiri waAllah ari mumwoyo memuMuslim wese.»
Ndeyechokwadi Yakarondedzerwa naAt-Tirmidhi naAhmad
التصنيف الشرعيوصف القرآن وفضائله، أعمال القلوب، ذم المعاصي، ذَمُّ الهوى والشَّهوات، الإسلامموضوعات الحديثالكبائر والمحرمات، تعظيم شعائر الله وحرماته، التقوىمحاور التعريف بالإسلامالإسلام هو الدين الحق
Pataive takagara neMuporofita (rugare nemakomborero aAllah ngazvive kwaari) muMasjid, pakapinda mumwe murume aive pangamera, akaipfugamisa muMasjid ndokuikusunga, ndokuti kwavari: "Ndiani pakati penyu anonzi Muhammad?" Muporofita (rugare nemakomborero aAllah ngazvive kwaari) akange akazendamra pakati pavo, saka takati: "Murume muchena akazendamira uyu." Murume wacho akati kwaari: "Iwe mwanakomana waʿAbdul Muṭṭalib!" Muporofita (rugare nemakomborero aAllah ngazvive kwaari) akati kwaari: "Ndakupindura." Murume wacho akabva ati kuMuporofita (rugare nemakomborero aAllah ngazvive kwaari): "Ndiri kuda kukubvunza uye ndichakuomesera pamibvunzo yacho, saka usazondigumbukira pamoyo pako." Akati: "Bvunza chero chaunoda." Akati: "Ndinokubvunza ndichikupikira naTenzi vako uye naTenzi veavo vakakutangira, Allah vakakutuma kuvanhu vese here?" Akati: "Hongu, ndopika naAllah." Akati: "Ndinokupikisa naAllah, Allah vakakuraira here kuti tinamate minamato mishanu masikati nehusiku?" Akati: "Hongu, ndopika naAllah." Akati: "Ndinokupikisa naAllah, Allah vakakuraira here kuti titsanye mwedzi uno mugore?" Akati: "Hongu, ndopika naAllah." Akati: "Ndinokupikisa naAllah, Allah vakakuraira here kuti utore zvipo izvi (Zakāt) kubva kuvapfumi vedu wozvigova kuvarombo vedu?" Muporofita (rugare nemakomborero aAllah ngazvive kwaari) akati: "Hongu, ndopika naAllah." Murume wacho akati: "Ndatenda mune zvese zvawauya nazvo, uye ndiri nhumwa yevanhu vangu vandakasiya kumashure. Ini ndiri Ḍimām bin Tha'labah, hama yekwaBani Sa'd bin Bakr."
Ndeyechokwadi Yakabvumiranwa naAl-Bukhari naMuslim
التصنيف الشرعيالدعوة إلى الله، وجوب الصلاة وفضلها وحكم تاركها، وجوب الزكاة وحكم تاركها، وجوب الصيام وحكم تاركه، الإيمان بالله عز وجل، الإيمان بنبينا محمد صلى الله عليه وسلم، الإسلامموضوعات الحديثالزكاة ومكانتها، الصوم الواجب، الدعوة إلى الله، التواضع، حقوق النبي ﷺ، مكانة الصلاة وفضلهامحاور التعريف بالإسلامالتعريف بالنبي محمد صلى الله عليه وسلم، أركان الإسلام