Encyclopedia of Prophetic Hadiths

"जब तिमीहरूमध्ये कोही आफ्नो भाइलाई भेट्छौ भने, उसलाई सलाम (अभिवादन) गरोस्। अनि यदि तिनीहरूको बीचमा कुनै रूख, पर्खाल वा ढुङ्गा आउँछ र ऊ उसलाई (फेरि) भेट्छ भने, उसलाई पुन: अभिवादन गरोस्।"

"यी (दश) दिनहरूमा पुण्य कर्महरू गर्नु अरु दिनहरू भन्दा अल्लाहलाई बढी प्रिय छ ।" अर्थात जुल-हिज्जा महिनाको पहिलो दस दिन । उहाँका साथीहरूले सोधे: हे अल्लाहको रसूल! अल्लाहको मार्गमा जिहाद पनि होइन? उहाँले जवाफ दिनुभयो: "होइन, अल्लाहको मार्गमा जिहाद पनि होइन, तर त्यो व्यक्ति बाहेक जो आफ्नो जीउधनको साथ जिहादको लागि निस्कन्छ र ती मध्ये केही लिएर फर्कदैन ।"

"जब कुनै व्यक्तिबाट पाप हुन्छ, त्यसपछि ऊ खडा हुन्छ र वुजु गर्छ, त्यसपछि नमाज पढ्छ र अल्लाहसँग क्षमा याचना गर्छ, तब अल्लाहले उसलाई क्षमा दिनुहुन्छ । त्यसपछि उहाँले यो आयत पढ्नुभयो: "र, उनीहरूले कुनै ठुला पाप गरेमा वा आफैंमाथि अन्याय गरेमा, उनीहरूले अल्लाहलाई सम्झन्छन् र आफ्नो पापको लागि माफी माग्छन् ।" [आलि-इम्रान: १३५]

"वली (अभिभावक) बिना निकाह (विवाह) हुँदैन ।"

"जसले नक्षत्रहरूबाट ज्ञान प्राप्त गर्छ, उसले जादूको एक भाग सिक्छ । उसले जति धेरै ज्योतिषविज्ञान सिक्छ, त्यति धेरै जादू सिक्नेछ ।"

पैगम्बर (सल्लल्लाहु अलैहि वसल्लम) ले बिहान र बेलुका यी दुआहरू पढ्न कहिल्यै छोड्नुभएन: हे अल्लाह ! म तपाईँसित यस संसार र परलोकको कल्याणको माग गर्दछु । हे अल्लाह ! म तपाईंसँग मेरो धर्म र सांसारिक मामिला, मेरो परिवार र धनको कल्याण चाहन्छु। हे अल्लाह! मेरो गुप्तांगहरू ढाक्नुहोस् र मलाई डर र खतराबाट सुरक्षित राख्नुहोस्। हे अल्लाह! मलाई अगाडि, पछाडि, दायाँ, बायाँ र माथिबाट रक्षा गर्नुहोस्। म तपाईंको महामहिमको शरण चाहन्छु, म अचानक तलबाट खोसिएर जान नपरोस्।"

जसले यसो भन्छः "(रजीतु बिल्लाहि रब्बन्, व बिल-इस्लामि दीनन्, व बि-मुहम्मदिन् रसूलन्)। अर्थात् 'म अल्लाहलाई पालनकर्ता, इस्लामलाई धर्म र मुहम्मद (सल्लल्लाहु अलैहि वसल्लम) लाई रसूलका रूपमा स्वीकार गरी प्रसन्न छु,' उसको लागि स्वर्ग अनिवार्य हुन्छ।"

"हे बिलाल! नमाजको कायम/आह्वान गर (अजान देऊ) र यसद्वारा हामीलाई शान्ति दिऊ ।"