Encyclopedia of Prophetic Hadiths

"जुन रात मलाई मेराज (स्वर्ग) मा लगियो, मैले इब्राहिम (अलैहिस्सलाम) लाई भेटें, उहाँले भन्नुभयो: हे मुहम्मद! आफ्नो उम्मतलाई मेरो सलाम सुनाउनुहोस् र तिनीहरूलाई भन्नुहोस्, स्वर्गको माटो धेरै राम्रो र यसको पानी धेरै मीठो छ।" तर यो खाली छ र यसका बिरूवाहरू "सुब्हानल्लाह", "अल्हम्दुलिल्लाह", "ला इलाह इल्लल्लाह" र "अल्लाहु अक्बर" हुन् ।"

"व्यक्तिको इस्लामको उत्कृष्टता भनेको उसलाई नचाहिने कुराहरू त्याग्नु हो।"

कर्म ६ प्रकारका र मानव ४ प्रकारका हुन्छन् । तीमध्ये (स्वर्ग वा नरक) अनिवार्य गर्ने दुईवटा कर्म छन्, र (बाँकी ४ प्रकारका कर्महरू मध्ये ) एउटा कर्मको प्रतिफल कर्म अनुसार नै पाइनेछ, र अर्को कर्मको प्रतिफल दश गुणा बढी र केही कर्मको प्रतिफल सात सय गुणा बढी प्राप्त हुनेछ। दुईटा (स्वर्ग वा नरक) अनिवार्य गर्नेवाला कर्महरू भनेको : जो अल्लाहसँग शिर्क (साझेदारी) नगरेको अवस्थामा मर्यो भने ऊ स्वर्गमा जानेछ, र जो अल्लाहसँग शिर्क गरेको अवस्थामा मर्यो भने ऊ नर्कमा जानेछ । र त्यो कर्म जसको प्रतिफल कर्म अनुसार नै पाइनेछ भनेको : जसले भित्री मनले कुनै सत्कर्म गर्ने नियत गर्दछ र अल्लाहले त्यस प्रति उसको प्रतिज्ञालाई देख्नुहुन्छ त उसको लागि एक नेकी (पुण्य) लेखिन्छ,र जसले दुष्कर्म गर्ने नियत गर्दछ, उसको लागि एउटा पाप मात्र लेखिन्छ । र जसले सत्कर्म गर्दछ, त्यसलाई दश गुणा बढी प्रतिफल दिइनेछ । र जसले अल्लाहको बाटोमा दान प्रदान गर्छ, त्यसलाई सात सय गुणा बढी प्रतिफल (पुण्य)दिइनेछ । र मानिसहरू चार प्रकारका छन्: (पहिलो) जसलाई संसारमा सुख सुविधा प्राप्त छ, तर आखिरत(परलोक)मा उसलाई कष्ट र दुःख हुनेछ ।(दोस्रो) जसले संसारमा कष्ट र दुःख साथ जीवन काट्यो, तर आखिरतमा उसलाई सुख सुविधा प्राप्त हुनेछ, (तेस्रो) जसलाई संसार र आखिरत दुवैमा कष्ट दुःख हुनेछ, (चौथो) जसलाई संसार र आखिरत दुवैमा सुख सुविधा प्राप्त हुनेछ।

"एक व्यक्ति नबी (सल्लल्लाहु अलैहि वसल्लम) को सेवामा उपस्थित भए र सलाम अर्पण गर्दै भने: 'अस्सलामु अलैकुम।' नबी (सल्लल्लाहु अलैहि वसल्लम) ले उनको सलामको जवाफ दिनुभयो। त्यसपछि ती व्यक्ति त्यहीँ बसे। तब नबी (सल्लल्लाहु अलैहि वसल्लम) ले भन्नुभयो: 'दश (पुण्य)।' त्यसपछि अर्का व्यक्ति आए र उनले भने: 'अस्सलामु अलैकुम व रहमतुल्लाह।' नबी (सल्लल्लाहु अलैहि वसल्लम) ले उनको सलामको जवाफ दिनुभयो। तत्पश्चात् उनी बसे। तब उहाँले भन्नुभयो: 'बीस (पुण्य)।' त्यसपछि तेस्रो व्यक्ति आए र उनले भने: 'अस्सलामु अलैकुम व रहमतुल्लाहि व बरकातुह।' नबी (सल्लल्लाहु अलैहि वसल्लम) ले उनको सलामको जवाफ फर्काउनुभयो। त्यसपछि उनी पनि त्यहीँ बसे। नबी (सल्लल्लाहु अलैहि वसल्लम) ले भन्नुभयो: 'तीस (पुण्य)।'"

"हामीलाई शिक्षा दिने नबि (सल्लल्लाहु अलैहि वसल्लम)का साथीहरूले हामीलाई बताए कि, उनीहरू नबि (सल्लल्लाहु अलैहि वसल्लम)बाट दश श्लोकहरू पढ्थे। त्यसपछि, ती दश श्लोकहरूमा रहेको ज्ञान र कर्म राम्रोसँग नबुझ्ने सम्म अर्को दश श्लोकहरू सिक्दैन्थे। सहाबाले भने: 'त्यसरी नै हामीले ज्ञान र कर्म (इल्म र अमल) दुवै प्राप्त गर्यौं।'

"मैले सोधेँ, "हे अल्लाहका रसूल (सल्लल्लाहो अलैहे वसल्लम्)! मेरो सुव्यवहारको पहिलो हकदार को हो?" उहाँले भन्नुभयो, "तिम्री आमा, त्यसपछि तिम्री आमा, फेरि तिम्री आमा, त्यसपछि तिम्रा बुबा, र त्यसपछि प्राथमिकतानुसार अरू नजिकका नातेदारहरू।"

"सबैभन्दा पूर्ण मुमिन (आस्थावान) त्यो हो जसको व्यवहार राम्रो छ र तिमीहरु मध्ये सबैभन्दा राम्रो त्यो हो जो आफ्नो महिलाहरु (छोरी/स्वास्नी)प्रति राम्रो हुन्छ ।"

"तिमी जहाँ भए पनि अल्लाहसँग डराऊ, नराम्रो काम गरेपछि राम्रो काम गर्ने गर ताकि त्यो मेटियोस् र मानिसहरूसँग राम्रो व्यवहार गर।"