Encyclopedia of Prophetic Hadiths

"जसरी गुन्द्रीका सिन्काहरू एक-एक गरी बुनिन्छन्, त्यसरी नै मानव हृदयमा एकपछि अर्को गर्दै फित्नाहरू (विपत्ति, प्रलोभन, उपद्रव र परीक्षाहरू) आइपर्नेछन्। जुन हृदयले तिनलाई आफूभित्र सोस्छ, त्यसमा एउटा कालो दाग बस्छ; अनि जसले तिनलाई अस्वीकार गर्छ, त्यसमा एउटा चम्किलो सेतो चिह्न अङ्कित हुन्छ। अन्ततः हृदयहरू दुई प्रकारका हुनेछन्: १. सङ्गमर्मरझैँ सफा र निष्कलङ्क सेतो हृदय, जसलाई आकाश र पृथ्वी रहुन्जेल कुनै पनि फित्नाले डगाउन सक्ने छैन। २. खरानी मिसिएको धमिलो कालो हृदय, जो उल्टो पारिएको भाँडोजस्तो बन्नेछ; जसलाई न कुनै सत्कर्मको पहिचान रहनेछ, न त कुनै कुमार्गको बोध, ऊ केवल आफ्ना वासना र क्षणिक इच्छाहरूको दास बन्नेछ।" हुजैफा (रजिअल्लाहु अन्हु) ले भन्नुभयो: "मैले उमर (रजिअल्लाहु अन्हु) लाई भनेँ: 'तपाईं र ती फित्नाहरूका बीच एउटा बन्द ढोका छ, जुन चाँडै तोडिनेछ।' उमरले सोध्नुभयो: 'के त्यो तोडिने नै छ? यदि खोलिएको मात्र भए त सायद पुनः बन्द गर्न सकिन्थ्यो होला!' मैले भनेँ: 'होइन, त्यो तोडिने नै छ।' अनि मैले उहाँलाई स्पष्ट बताइदिएँ कि त्यो ढोका वास्तवमा एक व्यक्ति हुनुहुन्छ, जसको हत्या हुनेछ वा उहाँको मृत्यु हुनेछ।" हदीसका एक वर्णनकर्ता अबु खालिदले भन्नुहुन्छ: "मैले (आफ्ना गुरु) सादसँग सोधेँ: 'हे अबु मालिक! हदीसमा आएको शब्द ‘अस्वद मुरबाद्द’ को अर्थ के हो?' उहाँले भन्नुभयो: 'कालोपनभित्र सेतो मिसिएर बनेको धमिलो कालो रङ्ग।' मैले फेरि सोधेँ: '‘कुज मुजख्खी’ को अर्थ के हो?' उहाँले जवाफ दिनुभयो: 'उल्टो पारिएको वा घोप्ट्याइएको भाँडो।'"

मैले भने: हे अल्लाहको रसूल! मलाई इस्लामको बारेमा एउटा यस्तो कुरा बताउनुहोस् जुन मैले अरू कसैलाई सोध्न नपरोस् । उहाँले भन्नुभयो: "भन, म अल्लाहमा विश्वास गर्छु र त्यसपछि त्यसमा अडिग रहनु।"

"तिमीहरूमध्ये जो कोही शारीरिक रूपमा स्वस्थ छ, आफ्नो घर-परिवारमा सुरक्षित छ र उससँग त्यस दिनको भोजन उपलब्ध छ भने, मानौँ उसका लागि सम्पूर्ण संसार नै सुख-सुविधासहित एकत्रित गरिएको छ।"

"निस्सन्देह, अल्लाहको सम्पत्ति दुरुपयोग गर्नेहरुको परिणाम कयामतको दिन नरक हो ।"

"अजान र इकामतको बीचमा गरिएको प्रार्थना अस्वीकृत हुँदैन।"

"हे अल्लाह! म तपाईंको आशीर्वादको लोपबाट, तपाईंको कल्याणको फिर्ताबाट, तपाईंको अचानक विपत्तिबाट र तपाईंको सबै प्रकारका क्रोधबाट तपाईंको शरण चाहन्छु।"

"सम्पूर्ण कर्महरू नियतमा आधारित छन् र प्रत्येक व्यक्तिले आफ्नो नियतअनुछ,र नै प्रतिफल पाउँछ। यदि कसैले अल्लाह र उहाँका रसूलका लागि 'हिजरत' गर्छ भने, उसको हिजरत अल्लाह र उहाँका रसूलकै लागि मानिन्छ; तर यदि कसैले छ,ंछ,रिक लाभ वा कुनै महिलासँग विवाह गर्ने उद्देश्यले 'हिजरत' गर्छ भने, उसको 'हिजरत' सोही उद्देश्यका लागि मानिन्छ जसका निम्ति उसले 'हिजरत' गरेको हो।"

रसूल (सल्लल्लाहु अलैहि वसल्लम) प्रायः यो दुआ (प्रार्थना) गर्नुहुन्थ्यो: ‘रब्बना आतिना फिद्दुन्या हसनह् व फिल्-आखिरति हसनह् व किना अजा बन्नार’ अर्थात हे अल्लाह ! हामीलाई दुनियाँ र आखिरत (लोक-परलोक) दुबै ठाउँमा भलाइ प्रदान गर्नुहोस् र नर्कको आगोबाट बचाउनुहोस् ।