Encyclopedia of Prophetic Hadiths

"सद्गुण र पुण्य भनेको राम्रो आचरण हो र पाप त्यो हो जसले तिम्रो हृदयलाई असजिलो बनाउँछ वा मनमा खट्कन्छ र जसलाई अरूले थाहा पाऊन् भन्ने तिमीलाई मन पर्दैन।"

"जसले आफ्नो भाइको इज्जत र मर्यादाको रक्षा गर्छ, अल्लाहले उसलाई न्यायको दिन नरकको आगोबाट बचाउनुहुनेछ ।"

"मुमिनले आफ्ना राम्रा चरित्र र व्यवहारका कारण दिनभरी व्रत बस्ने र राती तहज्जुदको नमाज पढ्ने व्यक्तिको स्थान प्राप्त गर्दछ ।"

"दया देखाउनेहरूमाथि रहमान (अल्लाह) ले दया गर्नुहुन्छ । पृथ्वीका जीवहरूमाथि दया गर, आकाशमा हुनेले तिमीहरूमाथि दया गर्नुहुनेछ ।"

"उहाँ न निर्लज्ज थिए न निर्लज्जता नै गर्नुहुन्थ्यो, र न उहाँ बजारहरूमा चिच्याउनुहुन्थ्यो न हल्ला गर्नुहुन्थ्यो; र उहाँ खराबीको बदला खराबीले दिनुहुन्नथ्यो, बरु क्षमा गरी माफ गरिदिनुहुन्थ्यो।"

कुन कर्मले मानिसहरूलाई स्वर्गमा धेरै प्रवेश गर्नेछ भनेर रसूल (सल्लल्लाहु अलैहि वसल्लम) लाई सोधियो, उहाँले जवाफ दिनुभयो: "तक्वा (अल्लाहको डर) र राम्रो व्यवहार ।" अनि कुन कुराले मानिसहरूलाई सबैभन्दा धेरै नरकमा प्रवेश गर्नेछ भनेर सोधिदा उहाँले जवाफ दिनुभयो: "जिब्रो र गुप्तांग [को गलत प्रयोग बाट] ।"

"मैले नबी (सल्लल्लाहु अलैहि वसल्लम) सँग भनेँ: सफियामा यी यी कुराहरू छन्, - एकजना वर्णनकर्ताले भन्नुहुन्छ: उहाँको मनसाय उनी होची छिन् भन्ने थियो - नबी (सल्लल्लाहु अलैहि वसल्लम) ले यो सुनेर भन्नुभयो: "तिमीले यस्तो कुरा भन्यौ, यदि यसलाई समुद्रको पानीमा मिसाइयो भने यसले त्यसलाई परिवर्तित गरिदिने थियो (त्यसलाई दूषित पारिदिने थियो)।" उहाँले (आयशाले) भन्नुभयो: "मैले उहाँको अगाडि एक व्यक्तिको नक्कल गरेँ।" तब उहाँले भन्नुभयो: "मलाई कसैको नक्कल गर्न मन पर्दैन, चाहे मलाई यसको बदलामा जेसुकै (संसारको सम्पत्ति) किन नदिइयोस्।""

"यदि कुनै मानिसले आफ्नो भाइसँग माया गर्दछ भने, उसले बताऒस् कि ऊ सँग माया गर्दछ" ।