(अज़्हिबिल्-बअस, रब्बन्-नास, वश्फि अन्तश्-शाफ़ी, ला शिफाअ इल्ला शिफाउक, शिफाअन् ला युगादिरु सकमा।) अर्थात्: हे मानवजातिका पालनकर्ता! यसको रोग-कष्ट दूर गरिदिनुहोस् र यसलाई स्वास्थ्यलाभ प्रदान गर्नुहोस्। हजुर नै स्वास्थ्यदाता हुनुहुन्छ। हजुरले प्रदान गर्नुभएको उपचारबाहेक अर्को कुनै उपचार छैन। यस्तो पूर्ण आरोग्य प्रदान गर्नुहोस् जसले कुनै पनि रोग नछोडोस्।

अश्-शाफी (स्वास्थ्य प्रदान गर्ने) त सर्वशक्तिमान् अल्लाह नै हुनुहुन्छ। डाक्टर र औषधि त केवल साधन मात्र हुन्, जसले अल्लाहको अनुमतिबिना कुनै लाभ वा हानि पुर्‍याउन सक्दैनन्।

बिरामीको स्वास्थ्य लाभको कामना गर्नु र उसलाई भेट्न जानु मुस्लिमहरूबीचका पारस्परिक अधिकारहरूमध्ये एक हो, र बिरामी परिवारको सदस्य भएमा यो अधिकार अझ महत्त्वपूर्ण हुन्छ।

यस हदीसमा बिरामी भेट्न जाने व्यक्तिका लागि यो आशिषित र प्रमाणित दुआ पढ्न प्रोत्साहित गरिएको छ।

पवित्र कुरआन र उत्तम प्रार्थनाहरूद्वारा गरिने 'रुक्या' (कुरआनका आयतहरू र प्रार्थनाद्वारा उपचार) नबी (सल्लल्लाहु अलैहि वसल्लम) को मार्गदर्शन मध्ये एक हो। रसूल (सल्लल्लाहु अलैहि वसल्लम) बिरामी हुनुहुँदा कुरआनका आयतहरू र प्रार्थनाद्वारा आफ्नो उपचार आफैँ गर्नुहुन्थ्यो, र आफ्ना परिवारजन वा अन्य कसैलाई कुनै कष्ट वा रोग हुँदा पनि उनीहरूको 'रुक्या' गरिदिनुहुन्थ्यो।