Encyclopedia of Prophetic Hadiths

«Ned ka be sẽn na n tʋm zũnuuba, rẽ poorẽ n yik n yɩlge, rẽ poorẽ n pʋʋse, rẽ poorẽ t'a kos Wẽnd yaafa, rẽndame tɩ Wẽnd yaaf-a», rẽ poorẽ t'a karem Aayar-kãngã {Lɑ neb nins tɩ b sã n tʋm wẽngɑ mɑɑ b wẽgɑ b mense, b tẽegdɑ Wẽnd yelle n kos b zũnuubã yɑɑfɑ} [Aalʋ ʿɭmraane: 135].

«Ad sẽn tʋg n be yãmb pʋgẽ, sẽn tʋg n noom maam n yɩɩda, n leb n yɩɩd pẽnegr ne maam zĩndug zĩigẽ dũni wã Yikr raare, yaa yãmb sẽn yɩɩda ne zʋg-sõma. La ad sẽn tʋg n yɩɩg gẽega yãmb pugẽ ne maam, n leb n yɩɩd zĩndug zĩig zãagre ne maam dũni wã yikr raare: yaa gom-to nebã, sẽn yaa gomd-n-paoogd-nebã-rãmba, n yaa gom-n-pid noor poεεm-poεεm-rãmba. La b yeel-yã, Wẽnd Tẽn-tʋʋmã, tõnd bãnga gom-to neba la gomd-n-paoogd-nebã-rãmba, la yaa ãnda la gom-n-pid noor poεεm-poεεm-rãmba? La a yeel yã:" Ad yaa waoog-m-meng-rãmba».

Tɩ ad Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) a yãa ned sẽn pʋʋs a yembre, safã (rulgã) poorẽ, t'a sagl-a t'a lebg n yɩlm a Pʋʋsgã.

«Fur loees ka manegde, rẽndame tɩ tũ ne biig ba-rãmbã minim».

«Ra tʋ-y segbã, yãmb sã n yã bũmb ning y sẽn kisa, bɩ y yeele: d Soab A Wẽnde, ad tõnd kota Foom sẽn be seb-kãngã sõmã wã la sõmã ning sẽn be a pʋgẽ, la b sẽn sagl-a ne bũmb ningã sõma, la d kota gũudum n yi seb-kãngã wẽngã la wẽng ning sẽn be a pʋgẽ wã la wẽng ning b sẽn sagl ne-a wã».

«Bũmb ning wʋsg sẽn suuda, a kɩdgã yaa haraam».

M yeelame, Wẽnd Tẽn-tʋʋmã: ãnd la m sõmb n maneg n yɩɩde? T'a yeele: «F ma wã, rẽ poorẽ f ma wã, rẽ poorẽ f ma wã, rẽ poorẽ f baabã wã, rẽ poorẽ sẽn pẽ-a n yɩɩda, la sẽn pẽ-a n yɩɩda».

«Ned fãa bee a nong-n-taag na-kẽndr zugu, bɩ yãmb yembr fãa tags n ges ned ning a sẽn na n rɩk n maan a zaoa».