Encyclopedia of Prophetic Hadiths

«Rẽ yĩnga, m ka na n togs yãmbã, yẽsg sẽn kẽed ne a Dagεεl yelle, Nabiyaam baa a yembr ka tol n yẽs a nebã ne-a? La ad a yaa nin-feoogo, la ad a na n waame n tar wala arzãn la Bugum buudu, la a sẽn yet a soab t'a yaa arzãnã ad yaa Bugmã, la ad mam bugsda yãmba wala nabiyaam a Nuuh sẽn bugs a nebã n yi-a wã».

«M wẽen ne Naab ning mam yõorã sẽn be A Nugẽ wã, keta bilf t'a Maryam biig sig yãmb pʋgẽ, t'a Bʋʋdã yaa tẽeg tɩrga, n kao pikã, la a kʋ kurkuyã, la a bas yõor yaoob reegre, tɩ arzεkã wʋsge, halɩ tɩ ned baa a yembr ka reegd-a ye».

«Yamb nao-kadem a yiibã ka na n zẽke, halɩ tɩ b wa tʋg n sok-a a vɩɩmã a sẽn sεεs-a zĩig ningã, la a bãngrã, a sẽn tʋm bũmb ning ne-a, la a arzεkã, yaa yε la a paam-a la a kẽes-a-la yεεnẽ, la a yĩngã a sẽn kʋɩdg-a zĩig ningã».

«Lɩslaamã b sã n sok-a yaoogẽ wã, la a sẽn maan kaset tɩ soab sẽn na n tũ n tɩlg ka be rẽnda Wẽnde, la a Mʋhammad yaa Wẽnd Tẽn-tʋʋma", yaa rẽnda yĩng la Wẽnd koεεga sẽn yeele: {Wẽnd tabenda neb nins sẽn kõ sɩdã ne tablg koεεga, dũni vɩɩmẽ la yɑoolem rɑɑrã} [ɭbraahɩɩm: 27].

«Ad sẽn be wẽeng rãmbã pʋgẽ, yaa neb nins dũni yikrã sẽn na n paam-b tɩ b ket n vɩ, la neb nins sẽn rɩk yaadã tɩ yaa miisa».

«Wẽnd koonda tẽngã n wẽbg-a la A kool saagã ne A rɩtgo, rẽ poorẽ t'A yeele: Maam la Naabã, tẽngã nanamsã bεε?».

Wakat ning Wẽnd koεεgã sẽn wa n sigi: {Rẽ poorẽ b na sok yãmba, raaren-kãngã, neema wã yelle.} [Attakaasirʋ: 8] a Az-zubayr yeelame: yaa Wẽnd Tẽn-tʋʋma, yaa neema bʋd la b sẽn na n sok tõndã, yaa bõn-sabl a yiibã bala, tamarʋ wã la koomã? Tɩ Nabiyaamã yeele: « La ad sokrã na n yɩɩme».

«Dũni wã ka yikd halɩ tɩ zãmaanã wa tʋg n pẽneg taaba, rẽnd yʋʋmd na n wa lebga wala kiuugu, tɩ kiuug lebg wala arzũma, tɩ arzũm lebg wala raare, tɩ raar lebg wala wakato (lεεre), tɩ wakat lebg wala tama-tɩɩg vãoog yõogre».