Encyclopedia of Prophetic Hadiths

Tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) a karema fagirã rakaar a yiibã pʋgẽ: {Al-Kaafɩrʋʋn (Kɩfr-rãmbã sʋʋra), Yeele: "yaa yãmb ɑ sõm-zɩtba!} La {Al-Iẖlaaṣ (Pʋ-peelmã sʋʋra), Yeele: "Yẽnda la Wẽnde, A yaa A Yembre}.

«Ned ning sẽn so arzũm raar gεnaab koom, rẽ poorẽ n kẽng pĩndɑ, yaa wala a maana doaag ne yʋgemde, la ned ning sẽn kẽnga wakɑt a yiibã, yaa wala a maana doaag ne naafo, la ned ning sẽn kẽnga wakat a tãabã, yaa wala a maana doaag ne pesg sẽn tar yɩɩla, la ned ning sẽn kẽnga wakat a naasã, yaa wala a maana doaag ne noaaga, la ned ning sẽn kẽnga wakat a nu wã, yaa wala a maana doaag ne gelle, la limaamã sã n yi malεgsã watame n kelgd Tẽegrã».

«La tɩ nebã sã n da miẽ sẽn be laandaanã boolgã la rẽenem safã pʋgẽ, rẽ poorẽ tɩ b pa paam sẽk n na n kẽng beenẽ, rẽnda b maan Poeere, b rag n na maan-a n yãke, la b sã n rag n mi bũmb ning sẽn be sãd n kẽng miisrẽ wã, b rag na rengẽ taab beenẽ, la b sã n rag n mi bũmb ning sẽn be likã la yibeoogã Pʋʋsg pʋgẽ, b rag n na seed b yiibã, baa tɩ b na n vũnemame».

«Zãma Pʋʋsg yɩɩda yãmb yembr fãa sẽn na n pʋʋs a yembre, ne yel-sõm pisi la a nu, la yʋng malεgsã la wĩndg malεgsã lagemda taaba Fagir Pʋʋsgẽ», rẽ poorẽ t'a Abuu Hʋrayrat yeele: karem-y tɩ yãmb sã n tʋlla: {ad Fɑgir Pʋʋsgã Mɑlεgsã yɩɩme n zĩndid beenẽ}. [17 Al-ɭsraa'ʋ (Yʋn-kẽndã sʋʋra: 78]

«Ned ning sẽn kẽngda miisrẽ yibeoog maa zaabre, Wẽnd segenda a yĩngã zĩndig zĩiga arzãnã pʋgẽ, wakat fãa a sẽn yi yibeoogo maa zaabre».

«Fo sã n yeel f yaka, arzũmã raare: "sĩndi", tɩ limaamã maand hʋtbã, sɩd la hakɩɩka f reemame».

«Yãmb ned a yembr ra wa tʋg n pʋʋsd fuug a yembr pʋgẽ, tɩ baa fʋɩ ka be a bãg peedẽ wã ye».

«Nebã sẽn yɩɩd wẽng ne wagdem yaa ned ning sẽn zuuda a Pʋʋsgã pʋgẽ».. Tɩ b yeele: a na n zu a Pʋʋsgã wãn-wãnã? T'ɑ yeele: «a ka pidsda a rukuu wã, ka a suguudã».