«Ra tʋ-y mam Ṣahaabsã ye, ad yãmb yembr sã n yãk n naf sẽn zems wala Ʋhud tãngã tɩ yɑɑ sãnem, a kõn n ta b yembr nus a yiibu, ka b nus a yiibã pʋsʋk me».

Nabiyaamã gɩdgame (Wẽnd pʋʋsg la A tɩlgr be a yĩnga) tɩ b ra wa tʋ a Ṣahaabsã ye, sẽn yɩɩd fãa, sẽn reng-b taoor sẽn yaa Muhaagiriin la Ansaar-rãmbã; la a kõ kibare tɩ ned sẽn yi nebẽ wã sã n yãk n naf sẽn zems wala Ʋhud tãngã sãnem, a yel-sõmdã kõn n ta Ṣahaabg a yembr nus a yiibã sẽn ning rɩɩbo, maa a nus a yiibã pʋsʋka, la woto yaa b pʋ-peelemã sẽn yaa wʋsgã, la b Anni-rãmbã sẽn yaa sɩdã, la b sẽn reng n yãk n nafã, taoor tɩ Mak na n ka pake, bala tʋlsemã yɩɩ kãenkãe wakat-kãngã.