«Y sã n yã kiuugã bɩ y loe noorã, la y sã n leb n yã-a bɩ y lok noore, la sawat sã n lud yãmbã bɩ y sõd-a».
Yii a ɭbn ʿƲmar nengẽ, (Wẽnd yard be b yiibã yĩnga), a yeelame: m wʋma Wẽnd Tẽn-tʋʋmã (Wẽnd pʋʋsg la A tɩlgr be a yĩnga) t'a yetẽ:
«Y sã n yã kiuugã bɩ y loe noorã, la y sã n leb n yã-a bɩ y lok noore, la sawat sã n lud yãmbã bɩ y sõd-a».
«إِذَا رَأَيْتُمُوهُ فَصُومُوا، وَإِذَا رَأَيْتُمُوهُ فَأَفْطِرُوا، فَإِنْ غُمَّ عَلَيْكُمْ فَاقْدُرُوا لَهُ».
Nabiyaamã (Wẽnd pʋʋsg la A tɩlgr be a yĩngɑ) a vẽnega Ramadaanã kiuugã kõomã la a sεεbã daliil n wilgi, n yeele: y sã n yã Ramaadã kiuugã bɩ y loe noorã, la sawat la bõn-luti sã n lud yãmb ne a sʋka, bɩ y sõd Šaʿabaanã kiuug rasem pis-tã. La y sã n yã Šawaalã kiuug bɩ y kao noorã, la sawat sã n lud kiuugã ne yãmbã, bɩ sõd Ramadaanã kiuug rasem pis-tã.
Wilgdame tɩ kiuugã kõomã tablg tikda ne yãabo, ka ne geelg ye.
A ɭbn Al-munzir togsa bãngdbã nosɩɩre tɩ ka waagib tɩ b loe, sã n mikame tɩ Ramadaanã kiuugã yãabã yɩɩ ne geelg bala, la b ka yã-a ye.
Wilgdame tɩ yaa tɩlae tɩ b pids Šaʿabaanã kiuug rasem pis-tã, tɩ sawat maa sẽn wõnd rẽ sã n lud Ramadãanã kiuugã yãabo.
Kiuugã ka yɩte rẽnda rasem pisi la a wε maa rasem pis-tã.
Wilgdame tɩ yaa tɩlae tɩ b pids Ramadaanã kiuug rasem pis-tã, tɩ sawat maa sẽn wõnd rẽ sã n lud Šawaalã kiuugu.
Ned ning sẽn wa n tʋg n be zĩigẽ, tɩ ned sẽn gẽesd lɩslaambã no-loeerã yell ka be beenẽ, maa a yɩɩme n yeebd yel-kãngã, a sõmb n gũusa rẽnda, la a gẽeg Ramadaanã kiuugã ne bũmb ning sẽn na tabend a yãabã yẽ nengẽ, zem tɩ yaa meng yãabẽ, maa ned ning a sẽn tar a bas-m-yam yãabo, n loe noorã ne rẽ la a lok ne rẽ.
Ṣahɩɩh Al-Bʋẖaary (3/ 25) (1900).
Ṣahɩɩh Muslim (2/ 760) (1080).
Pɑɑgã (9)
تيسير العلام.
لعبد الله البسام (ص314).
تنبيه الأفهام شرح عمدة الأحكام.
لابن عثيمين (3/ 414).
الإفهام في شرح عمدة الأحكام.
لابن باز (ص385).
خلاصة الكلام على عمدة الأحكام.
لفيصل آل مبارك (ص146).
الموسوعة الفقهية الكويتية (23/ 142).