Skip to content
816 Хадистер

Пайгамбар хадистеринин энциклопедиясы

Жыйынтыктарды чыпкалоо

816 карточканын 6

Чыпкаларды алып салуу

Хадистин даражасы

Риваят кылынган булак

"Билал, Исламда кылган амалдарыңдын ичинен сен эң көп сооп үмүт кылган амалыңды мага айтчы. Анткени, мен бейиште бет алдымдан сенин бут кийимиңдин дабышын уктум". Ал: "Мен түн ичинде болобу же күндүзү болобу даарат алган сайын, сөзсүз ошол дааратым менен мага канча намаз окуу насип кылынган болсо, ошончо намаз окуймун. Өзүм эң көп сооп үмүт кылган мындан башка амалым жок" – деди.
Сахих (ишенимдүү) Муттафакун алайхи (хадистин ишенимдүүлүгүнө бир ооздон макулдашылган)
التصنيف الشرعيصلاة التطوع، الحياة الآخرة
Селердин күйгүзгөн отуңар – тозок отунун жетимиш бөлүгүнүн бири. Анда: «Оо, Аллахтын Элчиси! Бул дүйнөнүн оту болсо да жетиштүү болмок» - деп айтылды. Пайгамбар: «Тозоктун оту бул дүйнөнүн отунан алтымыш тогуз эсе ысык болду. Анын баары бул дүйнөнүн отунун ысыгындай ысык».
Сахих (ишенимдүү) Муттафакун алайхи (хадистин ишенимдүүлүгүнө бир ооздон макулдашылган)
التصنيف الشرعيصفات الجنة والنار، الحياة الآخرةموضوعات الحديثالإيمان باليوم الآخر، الخوفمحاور التعريف بالإسلامالنار
«Чынында бейишке кирүүчү биринчи жамаат (көрүнүшү) толук ай толгон түндөгү айдын сүрөтүндөй болот. Андан кийин алардын артынан келгендер асмандагы эң жаркырап жанып турган нурдуу жылдыз сыяктуу болушат. Алар заара кылышпайт, чоң даарат ушатышпайт, түкүрүшпөйт жана чимкиришпейт. Алардын тарактары алтындан, ал эми терлери миск. Түтөткүчтөрү жыттуу уд жыгачы болот. Жана алардын аялдары бакыраң көздүү хур айымдар болот. Алардын баары бир адамдын жаратылышындай, атасы Адамдын сүрөтүндө болуп, бойлору асманга карай алтымыш чыканак болот».
Сахих (ишенимдүү) Муттафакун алайхи (хадистин ишенимдүүлүгүнө бир ооздон макулдашылган)
التصنيف الشرعيصفات الجنة والنار، الحياة الآخرة
«Мен кыямат күнү адамдардын мырзасы боломун. Анын себеби эмнеде экенин билесиңерби? Аллах мурунку жана кийинки бардык адамдарды бир түзөң жерге чогултат. Чакыруучунун үнү аларга угулат жана караган көз алардын баарын өзүнө камтыйт (баары бирдей көрүнүп турат). Күн жакындап, адамдар чыдай алгыс жана көтөрө алгыс кайгыга, кыйынчылыкка туш болушат. Ошондо адамдар: "Башыбызга түшкөн бул (оор) абалды көрбөйсүңөрбү? Раббиңердин алдында силерге шапаат кыла турган бирөөнү издебейсиңерби?" - дешет. Анан адамдардын кээ бирлери бири-бирине: "Адамга (ага Аллахтын тынчтыгы болсун) баргыла", - дешет. Алар Адамга келип, мындай дешет: "Сен адамзаттын атасысың, Аллах сени Өз колу менен жараткан, сага Өз рухунан үйлөгөн жана периштелерге буйрук берип, алар сага сажда кылышкан. Раббиңдин алдында бизге шапаат кыл!Биздин кандай абалда экенибизди көрүп турбайсыңбы? Башыбызга кандай мүшкүл түшкөнүн көрбөйсүңбү?". Ошондо Адам: "Чындыгында, Раббим бүгүн ушунчалык катуу ачууланды. Ал буга чейин мындай катуу ачууланган эмес жана мындан кийин да эч качан мындай катуу ачууланбайт. Ал мага даракка жакындабоого буйруган эле, бирок мен Анын буйругун аткарбай койдум. Өзүмдүн гана жаным! Өзүмдүн гана жаным! Өзүмдүн гана жаным! (Бүгүн мен өзүмдү гана ойлоп жатам). Менден башкага, Нухка баргыла!", - дейт. Анан алар Нухка келип: "Эй, Нух! Сен жер жүзүндөгүлөргө жөнөтүлгөн элчилердин эң биринчисисиң. Аллах сени "шүгүр кылуучу пенде" деп атаган. Раббиңдин алдында бизге шапаат кыл! Биздин кандай абалда экенибизди көрүп турбайсыңбы?" - дешет. Ал: "Чындыгында, Кудуреттүү, Улук Раббим бүгүн ушунчалык катуу ачууланды. Ал буга чейин мындай катуу ачууланган эмес жана мындан кийин да эч качан мындай катуу ачууланбайт. Менин бир дубам бар эле, аны өз коомума каршы кылганмын. Өзүмдүн гана жаным! Өзүмдүн гана жаным! Өзүмдүн гана жаным! (Бүгүн мен өзүмдү гана ойлоп жатам). Менден башкага, Ибрахимге баргыла!", - дейт. Анан алар Ибрахимге келип: "Эй, Ибрахим! Сен жер жүзүндөгүлөрдүн арасынан Аллахтын пайгамбары жана Анын халилисиң (сүйүктүү досусуң). Раббиңдин алдында бизге шапаат кыл! Биздин кандай абалда экенибизди көрүп турбайсыңбы?" - дешет. Ошондо ал аларга: "Чындыгында, Раббим бүгүн ушунчалык катуу ачууланды. Ал буга чейин мындай катуу ачууланган эмес жана мындан кийин да эч качан мындай катуу ачууланбайт. Чындыгында, мен үч жолу жалган сүйлөп алгам. Өзүмдүн гана жаным! Өзүмдүн гана жаным! Өзүмдүн гана жаным! (Бүгүн мен өзүмдү гана ойлоп жатам). Менден башкага, Мусага баргыла!", - дейт. Анан алар Мусага келип: "Эй, Муса! Сен Аллахтын элчисисиң. Аллах Өзүнүн элчилиги жана сени менен сүйлөшүүсү аркылуу сени адамдардан абзел кылды. Раббиңдин алдында бизге шапаат кыл! Биздин кандай абалда экенибизди көрүп турбайсыңбы?" - дешет. Ал: "Чындыгында, Раббим бүгүн ушунчалык катуу ачууланды. Ал буга чейин мындай катуу ачууланган эмес жана мындан кийин да эч качан мындай катуу ачууланбайт. Мен буйрук берилбеген бир жанды өлтүрүп алгам. Өзүмдүн гана жаным! Өзүмдүн гана жаным! Өзүмдүн гана жаным! (Бүгүн мен өзүмдү гана ойлоп жатам). Менден башкага, Марямдын уулу Исага баргыла!", - дейт. Анан алар Исага келип: "Эй, Иса! Сен Аллахтын элчисисиң жана Анын Марямга таштаган сөзү жана Андан болгон рухсуң. Сен бешикте жаткан наристе кезиңде эле адамдарга сүйлөгөнсүң. Раббиңдин алдында бизге шапаат кыл! Биздин кандай абалда экенибизди көрүп турбайсыңбы?" - дешет. Иса: "Чындыгында, Раббим бүгүн ушунчалык катуу ачууланды. Ал буга чейин эч качан мындай катуу ачууланган эмес жана мындан кийин да эч качан мындай катуу ачууланбайт", - деп, эч кандай күнөөсүн эстебестен: "Өзүмдүн гана жаным! Өзүмдүн гана жаным! Өзүмдүн гана жаным! (Бүгүн мен өзүмдү гана ойлоп жатам). Менден башкага, Мухаммадга баргыла!", - дейт. Анан алар Мухаммадга келип: "Эй, Мухаммад! Сен Аллахтын элчисисиң жана пайгамбарлардын акыркысысың (мөөрүсүң). Аллах сенин мурунку жана кийинки бардык күнөөлөрүңдү кечирген. Раббиңдин алдында бизге шапаат кыл! Биздин кандай абалда экенибизди көрүп турбайсыңбы?" - дешет. Ошондо мен барып, Арштын астына келемин да, Кудуреттүү, Улук Раббиме сажда кылып жыгыламын. Андан кийин Аллах мага мурда эч кимге ачпаган Өзүнүн мактоолорун жана эң сонун даңктоолорун ачып берет (илхам кылат). Андан соң: "Оо, Мухаммад! Башыңды көтөр! Сура, сага берилет. Шапаат кыл, шапаатың кабыл кылынат", - деп айтылат. Ошондо башымды көтөрүп: "Оо, Раббим! Менин үммөтүм! Оо, Раббим! Менин үммөтүм! Оо, Раббим! Менин үммөтүм!" - деймин. Анан: "Оо, Мухаммад! Үммөтүңдүн арасынан суракка тартылбай тургандарын Бейиштин эшиктеринин ичинен эң оң тараптагы эшиктен киргиз. Алар башка эшиктерден кирүүдө да адамдар менен ортоктош", - деп айтылат. Андан кийин Пайгамбарыбыз: "Жаным Анын колунда болгон Затка ант ичем! Чындыгында, Бейиш эшиктеринин эки капкагынын ортосундагы аралык Мекке менен Химьярдын ортосундагы аралыктай – же Мекке менен Бусранын ортосундагы аралыктай" - деди».
Сахих (ишенимдүү) Муттафакун алайхи (хадистин ишенимдүүлүгүнө бир ооздон макулдашылган)
التصنيف الشرعيالحياة الآخرة
"Алтыны жана күмүшү бар адам, ал экөөнүн акысын бербесе, кыямат күнү болгондо, алтын-күмүшү оттон болгон тактайчага айланат жана ал отко кызытылат, анан аны менен ээсинин капталына, бешенесине жана артына үтүктөлүп белги салынат. Ал муздаган сайын кайра кайталанып турат. Бул күндүн узактыгы элүү миң жылга тете болот. Ошентип качан адамдарга өкүм чыгып, бара турган жерин же бейишти, же тозокту көргөнгө чейин азапталат".
Сахих (ишенимдүү) Муттафакун алайхи (хадистин ишенимдүүлүгүнө бир ооздон макулдашылган)
التصنيف الشرعيالوقف، وجوب الزكاة وحكم تاركها، الحياة الآخرة
"Аллах жерди кармап, асмандарды түрүп, оң колуна алып, анан: "Мен - Падышамын, жердин падышалары кайда?!" - дейт.
Сахих (ишенимдүү) Муттафакун алайхи (хадистин ишенимдүүлүгүнө бир ооздон макулдашылган)
التصنيف الشرعيتوحيد الأسماء والصفات، الحياة الآخرةموضوعات الحديثالإيمان بالله تعالى، الإيمان باليوم الآخرمحاور التعريف بالإسلامصفات الله تعالى، ربوبية الله للعالمين